雷達部屋論壇 - 香港討論區 ! 電台資訊的論壇

雷達部屋論壇 - 香港討論區 ! 電台資訊的論壇 » 談天說地 » 千祈唔好報 達美旅遊之美食之旅 ！！　搵笨之旅！！！

 
打印 | 推薦 | 訂閱 | 收藏
標題: 千祈唔好報 達美旅遊之美食之旅 ！！　搵笨之旅！！！
保密者
中級會員
Rank: 3Rank: 3



UID 19236
精華 0
積分 280
帖子 65
現金 2
存款 2
閱讀權限 20
註冊 2006-3-19
狀態 離線
#1
發表於 2006-8-15 22:17  資料 文集 短消息 
千祈唔好報 達美旅遊之美食之旅 ！！　搵笨之旅！！！

達美旅遊之美食之旅=揾笨之旅 本人一家帶同小孩滿心歡喜參加左上述珠海澳門二天遊，寫明係去觀光塔360度旋轉餐廳進食自助午餐，寫明有超過160款美食，大廚主理﹗﹗點知被騙咗，現在本人寫出經歷，以免各位重蹈本人之覆轍，請各位小心。 第一天純購物團，本人亦沒有異議，進食午飯亦無問題，晚飯根本不夠食，這也算了，進入之酒店，個別房間有很多小強(南灣大酒店)，這也算了。 導遊小姐本來的態度扮到好好人，仲講別人呃人手段給我們聽，扮到好老實的樣子，她叫我們每間房寫一封意見信，係對本團之意見，咁見佢咁好人，就讚佢同寫第一天之行程都不算差 lo。(因為此乃平價團，都不有太大期望，加上本人最想到的是主題第二天的360度餐廳)點知出事。 第二天去到拱北口岸，導遊小姐又講因為此團係推廣團，單是旋轉餐廳每人亦要$158元，佢公司是蝕本做的，由於要給現金給澳門導遊，所以請各位先給100元小費，本人雖覺很怪，因為多數團都係最後才給的，但人人也給了，我們不給很為難，故也給了﹗ 問題終於出現了，60樓360度旋轉餐廳沒有得去﹗去了59樓的180度空中酒吧﹗﹗ 160種食物變了40種很難食的食物﹗﹗完全貨不對版﹗﹗:011: 360度cafe的自助午餐價錢係$158元，而180lounge的自助午餐的價錢係$88﹗﹗ 我們發覺後即同導遊反映，起初佢話訂唔到位，60樓同59樓一樣，食物亦一樣，我地找到餐廳經理作證，經理話係二樣都唔同嘢，連個餐廳名都唔同，我地上60樓睇，食物同環境天同地之分別，跟住個導遊話咩都唔知，叫我地問番香港公司，跟住仲唔同我地講嘢﹗﹗打電話去珠海導遊又扮收唔清，跟住仲收唔倒﹗﹗ 返回珠海，導遊小姐就變左臉，笑容不見左，十問九唔知，我們抗議，佢同我地講你地自己同香港公司講啦，香港公司電話長期唔通，我們繼續理論，團友中竟然有"媒"有老有少一team的，扮晒普通團友，大大聲佢係第一次參加此公司，公司有同佢地講係180 lounge食自助餐架﹗﹗全車人只佢一組人話有講，其他人個個都話無﹗﹗ 今天，我打電話去我報名的大埔店投訴，同我報名的肥妹仲同我講59樓同60樓係一樣的，食物都係一樣，我講我報名時講明一定係去360度"旋轉餐廳自助餐才去的，佢話一定係﹗﹗連團號也寫咗落收据度，以為唔會騙人，點知還會老猫燒鬚。 我同佢講我上過60樓，d食物係好大分別的，佢仲話一樣，咁我攞左餐廳經理的咭片，我叫佢打去對質﹗﹗佢即刻話叫高層回覆﹗﹗ 等咗好耐，都無回覆，我家姐又打去問，大埔公司又比左旺角公司電話比佢，嗰個負責人竟然話一早已話左比我地知，仲好無禮貌叫我們投訴旅遊議協會﹗﹗佢地唔怕﹗﹗ 現在回想起來，知道佢地點解叫我們在第一天寫意見書，讚揚導遊小姐了，有些團友還大讚呢，因為第一天問題還未出現嗎﹗﹗ 1.原來，旅遊社係利用此信話好多人都極滿意此團服務呢﹗﹗ 2.有媒在，可以叫佢地做証，當初係有同我們講無旋轉餐廳呢﹗﹗(根本主題係去旋轉餐廳，如果無的話，我們一定唔會去) 3.一早比小費係怕我們去罷澳門發覺貨不對版而唔比小費呢﹗﹗ 唔怪得佢咁把炮話唔驚旅議會，佢地咪告lo﹗佢地會無事架﹗﹗ 我講出來，係想你地有此資料，唔好再比此等無良奸商欺騙，惹來一肚氣﹗﹗﹗因為餐廳經理話此情形常見，佢都投訴好多次﹗未去完全程，亦都唔好寫咩意見書﹗﹗更加唔好先比小費﹗﹗:011:
頂部
[廣告]
 

 

最新主題 最新回覆 熱門話題
當前時區 GMT+8, 現在時間是 2024-12-27 02:40

    本论坛支付平台由支付宝提供 携手打造安全诚信的交易社区 Powered by Discuz! 5.0.0  © 2001-2006 Comsenz Inc.
Processed in 0.984609 second(s), 10 queries , Gzip enabled
TOP

清除 Cookies - 聯繫我們 - 網頁設計 - Archiver - WAP