雷達部屋論壇 - 香港討論區 ! 電台資訊的論壇

標題: 初戀故事 [打印本頁]

作者: 86 時間: 2006-3-10 19:04 標題: 初戀故事

從有一對情侶，佢地由初戀起埋一齊,
佢地行左好耐,生活得好開心，愛得好甜蜜，
男既已經認定女既（野蠻王妃）係佢妻子，
而女既都一樣噤愛護呢一個男仔（野蠻王子）！
有一日佢地行到一條河邊，
河邊有一個女仔（路人甲）自己一個坐左起度，
呢個女仔因為唔想自己一個過河，
就叫左呢個男仔揹佢過河！
呢個男仔因為由細到大都無玩過，
所以就一時貪玩，口快快應承佢！
當時呢個男仔真係好衰，為左玩，
無理到佢女友既感受，掉低佢女友自己一個
佢做錯左，佢真係錯得好交關！
行到河既中心既時候，個男仔知錯啦！
佢想放低個女仔，番轉頭揹番自己既最愛，
但係個女仔就講：你想我死呀，行到黎呢度你先後悔？
你放低我，我就會起呢度浸死俾你睇！
人命關天，個男仔唔夠膽行放低佢，
唯有焗住行埋過去，好過累死人丫！
但係一路行一路唸住仲起河邊等佢既女友，
搞到佢行到搖擺不定，個女仔知道噤落去唔係辦法，
於是就同等緊個男仔既女友偷偷地做口形：
佢係噤衰嫁啦，又點點點，又點點點．．．
（男仔完全唔知，個女仔有咩居心大家心照）
中傷完個男仔，搞到男仔既女友走左！
個女仔以為自己既奸計得逞，
點知男仔女友走左，個男仔仲心神恍惚，
搖得仲犀利，幾乎企都企唔穩噤滯，
女仔見到噤既情形知道唔掂啦，
噤啱又見到有個水泡，就咩都唔理飛埋去個水泡度,
就係噤個女仔攬住個水泡就游左番上岸!
男仔放低左個負擔之後就即刻趕番去搵佢最愛！
但係搵番佢女友既時候，佢女友就同佢講：
我地分手啦,我已經唔愛你啦，我地已經無可能！
男仔好後悔,好後悔自己噤貪玩，佢好唔開心！
佢唔相信佢既最愛會噤對自己，
佢唔相信人情薄過紙!佢唸極都唸唔通！
佢就一直去搵番呢個失落左既最愛,
可惜,女友唔騷佢,甚至連電話都改埋...
電話都講唔到,男仔唯有咩都鬱起個心度,
好想同佢講,但係女友始終都唔騷佢,
越唔騷佢,佢就越鑽牛角尖,
唔開心既事就不斷噤鬱起男仔心中!
有一日男仔終於忍唔住去搵個女仔,
但係個女仔完全唔欣賞男仔既堅持,
男仔仲未講完個女仔就已經話要走,
男仔情急之下突然發癲cool住個女仔,
想唔俾女仔走,點知越搞越衰...
仲搞到個女仔整損左個嘴角!
男仔知道自己又做錯事,
佢好後悔,佢即刻報警call白車黎睇個女仔,
男既就坐警車去警署,
女既就坐白車去醫院...
女既無咩事就番左屋企,
男既就俾人拉左,起警署度訓臭格等保釋!
保釋期間,男既都好想搵番女既,
同佢講出佢既心底話!
因為法律理由,被告人唔可以搵原告人,
否則被告人會被視作妨礙司法公正論!
但係男仔唔理,甘冒三年牢獄之苦,
去搵番呢個初戀情人...
點知,見到女仔同第二個男仔一齊,
佢好唔開心,就起女仔面前界手,
跟住有人即刻自告奮勇第一時間報警,
就係噤,男仔又再一次俾警察送左上路!
男仔依然回望呢位初戀情人,但係佢咩都望唔到,
佢只望到一滴滴傷心既淚水同雨水!
警察見到佢噤慘,唔追究佢妨礙司法公正既罪名,
仲帶左佢去醫院治療傷勢!
男仔既傷勢要留醫幾日,
經過醫生,護士,社工,院牧幾日既照顧,
佢身同心都好番好多,佢唔再做傻事,
佢學識左,要人原諒,自己都要原諒自己!
雖然同唔到個女仔講野,
但係佢學識左,寫信黎表達自己既感受!
來到今日,雖然個女仔依然唔睬佢...

但係我起度好想同妳講,
其實我起河中心已經一早放低左佢,
只係妳到而家都唔未肯放低佢!

雖然我係一錯再錯,
但係我已經知錯,承受左惡果!
希望妳會明白我,原諒我! 野蠻王子

歡迎光臨雷達部屋論壇 - 香港討論區 ! 電台資訊的論壇 (http://bbs.lritat.com/)