胡定欣中頭獎見紅破相
8月 12日 星期五 03:00 更新
【東方日報專訊】胡定欣、林文龍、姜大偉、郭政鴻昨日為無㵟新劇《布衣神相》到元朗南生圍拍攝外景，胡定欣在等埋位期間，突然被風吹起的反光板從後擊中左邊膊頭，反光板鐵邊更刮傷其粉臉，即時見血破相，痛得她全身蜷曲，因擔心「毀容」更嚇得掩面流淚。
昨日拍攝一場胡定欣同郭政鴻私奔，被老竇姜大偉追殺，林文龍出面調停的戲份。胡定欣發生意外，工作人員即時為她檢查傷勢，用冰塊為其敷面，但她已痛到標眼水，左邊膊頭亦不能郁動，在旁男演員為分散其注意力，講笑蕌她開心，文龍話：「今日星期幾，你要買六合彩喎，咁都中到？」郭政鴻仲抵死：「咁多花旦中，都冇個係花面，你紅梗啦。」搞到定欣破涕為笑。
擔心留疤痕
由於胡定欣傷及面部，所以她好緊張叫工作人員拿鏡子看有否「毀容」，胡定欣謂：「我最擔心整花塊面，要搵食嘛，女仔個樣好重要，希望唔會留疤痕啦。其實呢個劇真係好多動作戲，大吉利是，一路都好順利，點知今次中冲頭獎，但擦損塊面都算係不幸中大幸，唔算好大件事。」而定欣亦相當專業，雖然受傷，但經過一輪休息，也堅持忍痛拍罷該場戲，導演亦好識做臨時改劇本提早放她收工。
林文龍亦坦言此劇甚多動作戲，所以自己也盡量小心，期間也試過擦損手腳，幸無大礙，他謂：「拍劇有動作戲在所難免，好彩定欣今次都冇扑穿個頭，我叫冲佢唔好手多搞個傷口，唔係會愈發愈大。」| 歡迎光臨 雷達部屋論壇 - 香港討論區 ! 電台資訊的論壇 (http://bbs.lritat.com/) | Powered by Discuz! 5.0.0 |