雷達部屋論壇 - 香港討論區 ! 電台資訊的論壇

標題: 十二星座中最有明星格？ [打印本頁]

作者: isolg 時間: 2005-3-24 20:20 標題: 十二星座中最有明星格？

十二星座中最有明星格？

天生做明星：
第１位：獅子座９５\%
天生唔做明星，都唔知應該可以做咩唔一定o係樂壇或者娛樂圈，就算係身邊o既朋友或者係同學，都會發現你好萬人迷，因為你確實有份魅力令人好想望多你兩眼，又或好有領導能力令人望而生畏。

第２位：雙子座８９\%
性格多變o既你，係就係好情緒化，但對於演戲o黎講，呢個直情係優點，因為你可以以唔同o既性格，配合到唔同角色o既需要，呢樣o野唔係咁易o架，都要有番咁上下功力先得，你底厚，所以成功機會都易好多

第３位：天秤座８０\%
做明星除o左天份，最緊要有人緣。以天秤人o既性格，呢方面直情難唔到你，加上天秤人通常都係靚仔靚女較多，年紀愈大魅力愈厲害。試諗下內與外兼備，咁o既質數，你話唔紅都幾難

第４位：處女座７５\%
處女人出名挑通眼眉，有o的人可能覺得佢細心眼，但就係因為呢種細心眼，令你好能留意到身邊o既人o既小動作，對於做戲o黎講，呢方面都好重要。另外，你好憤世嫉俗，而呢種咁o既態度，會令你容易有創作靈感添

天生要做二打六：

第１位：水瓶座８８\%
你會鍾意演戲，但你太信自己既一套，但呢套又係唔係人人都鍾意呢所以你好有可能要用好多時間o黎令到大家適應你o既o個一套演技方法，所以好長時期都會係屬意做二打六角色，等o下

第２位：人馬座７８\%
你喜歡遊戲人間，所以玩娛樂圈呢個世界真係有排玩，由於你個心都係諗住遊戲一場，所以鬥心唔係咁高，總之有份工俾你玩下開心下就已經好開心，你無諗過做天王巨星，但係爆鐘o既藝人相信唔會走得甩

第３位：天蠍座７５\%
你愈要去到某個年齡，你先至會有某種魅力散發得殺死人所以你要o係娛樂圈浸好多年，你先會有機會發達，所以行行企企o既角色你要做，仲要做好耐添，所以忍得就忍，唔忍得不如轉行。

第４位：雙魚座７０\%
你個人藝術感好高，又好有創意，適合做明星，但可惜你唔識計數，同埋心腸軟，好易俾人呃，所以如果你可以搵到個好o既經理人幫你，你都可以唔使做二打六o既，否則都有排你受，有排你推呀

天生最好做觀眾：

第１位：白羊座８５\%
做明星最緊要識做人，但以白羊座o既性格，有o個句講o個句，所以好容易得罪人多稱呼人少，講o野又硬到死，慌插唔死人咁，呢樣o野一定要檢討，加上佢0地o既持久力唔夠，做藝人唔可以咁曇花一現，呢樣都要留意

第２位：巨蟹座８３\%
巨蟹座係一個好唔識表達o既星座，佢o地俾人o既感覺好內歛，要o答好耐先至有味，所以，一不就係要捱好耐，一不就係寧可做保姆，繼而走去照顧人，可能發展o既機會會更加大，更加好

第3位：山羊座８０\%
山羊人最鍾意自己做自己o野，所以唔係好o岩入呢個好需要應酬既行業裏面，就算真係入娛樂圈，佢都會係較為適合做幕後或者製作方面o既o野，咁就唔使對住人，直情做個實而不華o既實力派。

第４位：金牛座７０\%
金牛人最鍾意就係享受生活，要佢將生活變成反顛覆地，佢會有種你俾我死啦o既感覺，但呢個圈就係假期你都坐o係到，又真係會俾人笑，所以除非你做藝術家，純粹為興趣，唔理食粥定食飯，咁你都有機會掂

歡迎光臨雷達部屋論壇 - 香港討論區 ! 電台資訊的論壇 (http://bbs.lritat.com/)