雷達部屋論壇 - 香港討論區 ! 電台資訊的論壇

標題: 小桃又講左爛gag [打印本頁]

作者: ♂隻愛你♀楓仔 時間: 2006-12-7 21:43 標題: 小桃又講左爛gag

對小桃黎講~
媽媽係唔好野既生物~
而小桃最驚既就係溫柔既桃媽~
點解？係咁既~~~~

由細到大~
桃媽鬧人好恐怖~
我同細佬都好驚~
不過桃媽同小桃一樣唔識忍笑
所以只要響佢鬧人既時候
講一個笑話就咩事都冇~
例子：有一次~響小學五年班果陣~
我放學去左一個同學響玩
玩到成四點幾~果陣係12點半放學架wo~
之後桃媽搵到上門~
佢對住我好溫柔咁笑：「我地返屋企啦！」
我心諗：「媽媽笑得咁溫柔，我即係唔會比人打啦！」
點知~返到屋企~
桃媽二話不說就膝條炆豬肉~
第二日返學一腳膝條印......
自此~我就知道桃媽係唔可以溫柔！

講返正題~
小桃依個星期都成日出左街~
星期五開始到星期一~
到左星期二~
小桃有一個同事話出去傾下計~
於是小桃就問阿媽：「媽媽，我有個周事話想去吹下水wo~我一陣食完飯可唔可以出去呀？」
桃媽望左小桃一眼：「你出左好多日街啦wo！」超級溫柔既聲線加超令利眼神
小桃感覺到一股寒意！
小桃：「咁又係~我都係唔出啦！呵呵呵！」
於是我打返比同事話佢知唔去啦！
後來我將件事話比我男朋友知~
佢就問我：「做咩唔去呀？妳媽媽冇野呀！」
個爛gag黎啦！
我答佢：「唔得呀！媽媽變左親切的媽子！唔敢出啦！」
我男朋友靜左：「親切的媽子？李英愛主演架？」

作者: pandakwok 時間: 2006-12-7 23:10

唔係好明=.=

歡迎光臨雷達部屋論壇 - 香港討論區 ! 電台資訊的論壇 (http://bbs.lritat.com/)