雷達部屋論壇 - 香港討論區 ! 電台資訊的論壇

標題: [轉帖][散文]追女仔方法 [打印本頁]

作者: 書三勝仔 時間: 2005-3-30 19:54 標題: [轉帖][散文]追女仔方法

初相識篇
Be a gentleman有百利而無一害, 但係唔係叫你全程微笑, 少說話, 扮溫文. 呢d唔係叫Gentleman. 專重女性(我承認”溝”呢個字本身已經有少少唔專重女性, 不過… 小弟稔唔到第二個字

-初相識時千歧唔好急住約佢出黎玩. 講電話已經ok(一定一定要令佢養成同你講電話既習慣)

你要透過同佢講電話既內容盡量了解佢, 錦樣你先可以為第一次約會好好舖排. 舉例
1) 你透過講電話時知道佢好鍾意千樺同埋睇港產笑片, 所以之後你提議去睇安娜武林
2) 你約左佢出街, 再問佢想睇乜戲, 佢話安娜武林, 根住你就去買安娜武林飛喇.
兩個有乜分別?
1) 佢會覺得你了解佢/同你arm key. 對白適當既話佢更會有”你帶我去睇戲”既感覺(即係變左小女人/小鳥)
2) 主動權落左佢度, 佢已經覺得你會順佢意, 唔會有倚賴你既感覺, 出閘脫腳, 難搞.
你要透過電話令佢對你有好感, 令佢期待同你出黎first date. 唔好問我點先為之一個date, 個個人睇法唔同
-要識引佢笑, 好似係廢話, 不過事實就係真係有人唔識要點. 舉例, 適量串佢一定無死.

點解要引佢笑? 先問你點解女仔會同一個男仔拍拖?
答案: 同佢一齊開心, 佢令我有倚賴佢既感覺
而引佢笑會比到佢”同你一齊好開心”既錯覺
冇錯, 係錯覺. 即係會有”有效日期”. 經驗話我聽兩個星期係最好的, 即係話同佢用任何形式溝通(一班人玩或o係學校玩或講電話, 總之要忍住唔好約佢住), 並不時引佢狂笑, 再不斷收集資料了解佢, 如是者兩星期之後就可以試下約佢喇

初次約會篇(續):
之前已經講左睇戲同食飯, 而家講散水
唔洗問個個都知要送女仔番屋企啦, 顯示風度麻, 岩丫.
不過對我黎講顯示風度只係次要, 知道佢既exact地址先係重點.
因為個人黎講我有幾招都係要知道佢住邊先用到.
女仔都鍾意驚喜, 亦對預料之內既野感到沒趣, 你話喇, 行街睇戲食飯送番屋企, 係咪老土? 但係衰在呢d係一定要做既野, 好矛盾.
其實搞少少變數個女仔已經唔會覺得老土, 而呢d野o係送番屋企既過程度做是最好的, 因為個個都知啦, 人既記憶就係越近既野越記得, 所以行街睇戲食飯即管老土, 送番屋企時先搞小動作. 例如, 途中無端端帶佢去一d有特色既地方食宵夜. 又例如途中打個電話, 跟住話有friend約送佢唔到, 隔一陣再突然出現話比人放飛(當然你要知道佢既路線). 總之呢度要發揮創意啦.

你會有一個成日遇到既問題: 個女仔話唔洗送. 點算?
答你:
1) 勁爽快地話: “錦好啦, 你自己小心啦, 拜拜”. 重點係跟住要問佢大約會幾時番到屋企同埋叫佢番到屋企打個電話比你. 如果你之前揀左擺明車馬追既話, 我建議你錦做, 佢一定會不斷稔點解佢想追我都唔堅持送我. 要個女仔稔住我地係我地既目標之一. 總之要令自己o係佢地個腦入面出現. 錦而家如果佢不斷稔點解佢想追我都唔堅持送我, 咪幾好, 就算佢冇錦稔, 起馬佢會稔住”番到屋企要打比佢”麻, 記住記住, 佢真係有打比你既話就代表你既地位已經高左, 但係相反佢冇打既話, 你就還需一百個努力喇, 因為佢根本冇放你o係心入面.

2) 堅持, 問多一兩次, 因為”女仔口不對心”真係100%真架, 但係記住, 最多問多兩次, 唔係佢就會覺得你”猴琴”. 問既時候都有野要注意窩, 一定要表達到你想送佢只係因為你擔心佢既安全. 例如: 佢say no之後, 你話:”但係你果頭有d靜, 我冇可能唔送你發力篇
如果first date唔太差, 就係時候發力喇. Tips 如下:
-要佢養成同你講電話既習慣, 我地叫呢樣野做”訓練佢”

-訓練佢同你講心事, 呢樣野既重點係你要表現成孰, 用認真既態度同語氣先講自己既心事, 冇既話可以作(唔係講笑). 之所以我話搞笑唔可以過火, 你定左型既話佢就永遠當你係小丑, 唔會對你打開心窗.

-學魔術, 真係架, 十個女仔有九個都被魔術迷住, 呢度既重點係: 唔好刻意, 點為之刻意? 你無端端帶副啤牌出黎玩比佢睇咪刻意囉, 你可以帶佢落Pub飲野, 再問人借副啤牌玩, 如果間Pub冇啤牌, 你咪去Seven仔買囉, o係呢個環境之下唔會覺得刻意的. 仲有, 佢地一定會死問點解點解, 千萬唔好教佢呀. 仲有, 如果果個魔術你冇100%成功既信心, 唔好玩, 衰左好大穫,

-佢病左既話, 你就肥仔喇, 獻殷勤啦. 多d慰問電話, 不過唔好做得太cheap.

記住, 失戀中/病緊既女仔個心會中門大開, 好易就比你入到去(我稔係人都知).

最後, 如果你既目標係高質素既女仔, 有一個好百搭既策略:

“以退為進

PART~~~~~~~~~~~3:

1:唔知用乜理由打比人既話, 你可以:
你話有事令你唔開心想搵佢傾計既話佢多數會陪你傾. 當然做呢樣野之前要同佢有番禁上下熟啦. 不過, 唔熟既話都唔係冇辦法既.
同佢講你就係唔想比d同你熟既friend知咪得囉. 講完呢次, 下次可以再打比佢又話因為果件事唔開心又或者講一d果件事既最新發展比佢聽.
你講既事最好係可以表達到你既優點. 例如:
”長情, ex-gf同另一個男仔開始左”, 或者,
”你明白事理而人地打橫黎講”.

如果冇事令你唔開心既話, 你可以將一d同朋友間既煩惱誇大成唔開心, 甚至作一d唔開心既事(例如話你個ex-gf同另一個男仔開始左, 而你對佢仲有少少feel. 你唔好低能到話”我個friend次次去麥記都要我幫佢買野所以好唔開心”既話, 佢都一定會陪你傾的). 不過如果你真係愛佢既話其實我唔建議你呃佢呃得太勁. 你會好有內疚感的. 如果你唔開心佢都唔太願意陪你傾既話, 放棄佢啦.

2:順帶一提, 集中精神認真做緊野既表情好有吸引力, 作用甚至可比美靚仔. 另外, 如果真係因為一d好不幸既事而o係佢面前喊, 大多數女仔都會覺得好震撼. 我提下咋, 唔係叫你去喊比佢睇呀.

3:我想先講講風度, 好多人成日話:老奉要對d女有風度呀?

我而家答你: 唔係老奉, 但係作為一個男人, 有風度根本就係必需, 你越有風度代表你係一個越有質素既男人.
我話你地聽, 你要追有質素既女人跟本就同追豬扒一樣難度, 你有要求時人地亦有, 打個比喻, 如果一個男人連最基本既風度都冇既話, 佢大慨只可以要求一個平胸兼爛面既女人作伴.

4:如果你唔想扮唔開心, 又或者已經用左呢招都未同佢熟到. 你就要學下點樣同女仔會多d話題喇.

好可惜, 十個有九個人都會話你聽”呢d野冇天份就唔會識

我都係錦話, 你有天份就一出世就識, 冇天份就講左你聽都唔會學到.

錦啦… 我盡量講下要點啦:
-如果你打算一早度定幾個Topic同佢傾既話… 唔係唔得, 不過我強烈反對囉, 你已經做cheap左自己, 慢慢你就會太上心, 太重視佢(溝到之後就緊係要重視啦, 未溝到唔洗架窩).

-話題唔洗問都知係佢感興趣既野啦, 八卦野, 星座, 睇相, 睇掌, 全部女仔都勁感興趣. 如果你讀緊書, 淨係學校入面, 教師又好學生又好, 已經大把傳聞/八卦野啦

-仲有一個方法, 大部份人都認為溝女緊係要盡量單對單啦, 其實唔一定. 用三線駁多一個friend, 三個人同兩個人爭好遠好遠, 話題唔會完禁滯

-如果你feel到果個Topic令佢好雀躍, 不妨繼續講, 或者下次再講. 所以你要好留意佢既Feeling

-留意市面上既新野, 尤其是甜品, 大部分女仔都情願食甜品唔食飯

一發現有過癮既新野, 咪雀躍地同佢講囉, 佢有興趣既話你可以順便話不如後日去試下喇喂. (記住任何情況之下都要記住以退為進呀, 佢say no你就爽快d話”錦好啦”, 唔好纏住問呀.)◎

-又係呢句, 以退為進, 冇野講就主動叫收線.

本文志在分享經驗, 希望無經驗既人奪得美人歸, 絕無"誤導","教唆他人玩女"同埋"炫耀"既意圖.
再強調, 係”經驗分享”, 唔係”教”, 唔arm聽可以交流下, 但唔好小我.

想先澄清一點, 可能會有人見我打禁多字, 稔禁多度禁多計禁多, 做到男人cheap晒, 亦對溝女睇得太重要, 其實係相反, 我絕對反對”為女死，為女亡”, 花太多時間溝女, 留番多d時間做其他自己想做既事仲好啦. 正因為錦, 溝女先要有技巧, 對敵時你話用把利刀直插要害會易d同埋快d贏丫, 定係用把鈍刀亂禁揮呢. 誤打誤撞既話, 好浪費時間.

而且, 我話過”以退為進”好好用, 而以退為進成功與否, 就係睇你可唔可以唔care成敗得失. 我鼓勵要唔care 失去d女仔的.

想成功既話, 最好記住:
-要有記性, 用途有兩個. 第一就係因為你會講大話, 我唔鼓勵, 但係少少大話都在所難免. 第二就係配合埋你既細心觀察, 記低佢所有喜惡同埋經歷(呢樣係必須, 但並唔係只係為左討好佢, 而係你越愛一個人就越應該了解佢同埋記得佢既野).

-要細心, 呢個係廢話, 因為係人都知
-要大膽, 呢個都係廢話, 不過大膽緊要過細心就唔係係人都知喇, 所以, 要練大膽呀. 有一個好好玩既怪招練膽方法, 我o係PART2既Reply度講過, 就係同一d大膽既friend(唔洗多, 一個就夠, 唔係嚇親人.) 去撩d counter妹妹/姐姐同埋女侍應. 不過記住唔係調戲, 吹下水, 講下笑就okay. 我細個都有錦做, 到而家呢樣野已經成為我地既興趣

-最後就係要唔care, 唔怕失去佢. 錦樣你先唔會因為心急而做錯野. 同埋做得出”以退為進

問: 想知少少兩個人之間既相處智慧同情趣
答: 假設已經拍緊拖:
最大智慧就係”記住同埋實行應承過佢既野”. 因為拍左拖超過半年左右, 就會開始覺得好定當, 會好放鬆, 成日唔重視/唔記得應承過佢既野. 女仔好介意架, 更大獲係大部分女仔都好鍾意將d野收埋收埋, 到佢忍唔住既時候你先會發覺你地已經隋時玩完. 自律啦.

至於兩個人之間既情趣, 無論係咪拍緊拖都好重要. 但係呢d野好個人化, 我只可以舉例.

例如互咬, 大街大巷作勢摸佢, 互吸咖哩雞印, 玩手指遊戲, 一d慣性行為(例如每次見到有未試過既甜品都會試下).

問: 如果我個女朋友遇到危險/受到傷害既時候, 我點樣保護佢?

答: 如果係o係我面前有人撩佢, 我會望一望佢/或者當聽唔到, 然後繼續行. d MK仔只係口痕, 通常冇惡意, 你同佢撐只會令你女友更危險.
但如果遇到危險/受到傷害禁嚴重… o係我面前都夠膽出手, 對方一定好有信心好抽得又或者人多…. 錦我會叫佢有禁遠走禁遠同埋報警, 我就盡量頂住囉… 不過我而家個女友都幾靚下… 所以我已經習慣左永遠唔同佢行靜既地方, 仲買左防狼器比佢.
講開又講, 讚佢係必須. 讚乜都好, 總之表達到你欣賞佢就得喇.
你可以送防狼器比佢, 順勢話因為覺得佢靚, 所以安全d好d. 佢就會覺得你係認真欣賞佢靚, 而唔係口花

問: 當熱戀甜蜜期過左之後要點樣保持情趣?
答: 去旅行, 所有女仔都極之enjoy同鍾意既人去旅行.
冇時間/錢既話就去郊外玩啦, 行山都一樣比到個女仔旅行既感覺.

無論拍緊拖定係仲追緊, 我都強烈建議帶個女仔去行山, 南丫島真係冇得頂.
問: “如果大家剛剛識，有什麼方法可以在電話，有無限話題呢。
答: 無必要刻意去令到大家有無限話題, 記唔記得以退為進? 做多不如做少, 無野講就收線. 記住如果你想有好日子過就要有主動權, 每次都要盡量係你講收線. 尤其是一開始有dead air, 大家都冇野講就好叫收線.
不過呢, 如果你feel到果個女仔鍾意同你傾計/佢根本鍾意煲粥. 你就要搵次同佢馬拉松喇, 最好係夜d先開始講, 跟住講到天光, 佢會有另一番滋味的. 如果你發覺你唔enjoy同佢馬拉松煲粥, give up啦, 你唔係太鍾意佢.(除非你已經好了解佢既一切, 錦既話唔enjoy都係好正常)

有d乜可以講下呢, 頭盆當然係共同興趣啦, 講完共同興趣就係主菜喇: “過去”. 所以年紀大d會易dd溝到女. 點解要講過去呢, 一來係因為每個人都有大量過去, 你拍番一兩次拖已經大把經歷啦. 二來係因為佢了解你先會鍾意你, 一個女仔知到你越多野, 你既地位就特殊(我唔敢話係”高”, “特殊”咋), 當然唔係乜都講一餐啦, 如果係講過去既感情經歷, 唔好講開心果d, 講多d hurt親你果d
------------------------------------------我是分隔線-------------------------------------------------------
講錯咪插我= =+

作者: ~流~ 時間: 2005-3-31 02:53

嘩...好西利...d方法真係好似好得,但又好似"衰"左d ar~

作者: 雀ＢiｒＤ 時間: 2005-3-31 15:20

你...好有經驗咁喎...

作者: 月。星夜Φ 時間: 2005-4-1 01:34

講電話.......我唔like同女講電話,可能無話題------失敗
引佢笑.......我唔多識,冷笑話我會------------------失敗
保護佢.......自問唔好打,同人打會有哭的感覺------失敗
送女仔番屋企.......死得,成斑朋友話送la...其中1,2個女仔會自己返
味開開,先唔得--------失敗
叫佢番到屋企打個電話比你........其他人就得------失敗
失戀中/病緊.......有都我一定唔g ,Ｄ朋友就g ......-----失敗
陪你傾........我同女可以講無10句,就收線--------失敗
因為一d好不幸既事而o係佢面前喊........木口木臉...做戲差...-----失敗
佢感興趣既野.....我好難會知....-----失敗
用三線駁.....不如比我明友溝la,我無話題講ga-----失敗
SHIT~!>.<我要唔要自殺呀
我真係要XY%^%$自己la
            「''''''''|
            |    @|
            |    [ | ] <~唔死無用shit
            |    /\
            |
=======|====

作者: 雀ＢiｒＤ 時間: 2005-4-1 14:55

咁....你放心去啦...我會比帛金架啦....

e d野我唔會做...鍾意一個人就應該全心全意咁去為佢好...
我冇心機去搞咁多野...有d根本係應該做ge...eg.送佢返屋企,保護佢
如果真係鍾意佢...我就更加唔會專登比我唔開心/失意ge往事比佢知...
唔想佢為我擔心/累積d負面情緒...就算佢唔like我都係咁話

作者: 期待 時間: 2005-4-2 17:15

嘩...嘩...嘩..你唔好長d....

作者: 城市獵人 時間: 2005-4-13 22:45

謝謝分享!不過冇樣我掂-_-

歡迎光臨雷達部屋論壇 - 香港討論區 ! 電台資訊的論壇 (http://bbs.lritat.com/)