雷達部屋論壇 - 香港討論區 ! 電台資訊的論壇

標題: 暑假工陷阱~賣雪糕變陪唱 [打印本頁]

作者: 黑色鑽石 時間: 2006-7-10 21:33 標題: 暑假工陷阱~賣雪糕變陪唱

橋唔怕舊,最緊要受近日,一間名為"日之雪糕店"在報章大賣廣告, 以月薪八千元或兼職時薪30元聘請店務員,吸引不少會考畢業生及找暑期工的少女應徵賣雪糕, 但原來面試員竟然是一位馬伕! 說穿了,其實是旺角一間卡啦ok夜總會,為添新血的蠱惑招, 無知少女一旦誤墮陷阱,分分鐘賣雪糕變賣笑! 李先生向雜誌爆料,指他妹妹致電"雪糕店"應徵, 發現原來是卡啦ok夜總會請人, 他氣憤的說:離晒譜,間夜總會咁樣呃D女仔去見工,害死D搵暑期工GE女仔ar! 幸而其妹沒墮陷阱. 刊登在報章上的廣告列明聘店務員及雪櫃維修員,但男記者致電應徵,對方說請左人即掛線. 女記者隨即致電約見,對方第一時間詢問年齡,記者報稱只有18歲, 他即催促面試:我地公司響旺角山東街同女人街交界ge沙嗲王樓上,三樓, 你快d上黎啦,份工好多人爭架! 上址原來是一幢商業大廈,內裡食肆,夜總會林立, 而見工地址的招牌竟寫著"金田閣卡啦OK夜總會" 此時,兩名少女剛見工下來,神色慌張,其中17歲,應屆會考生Cat(化名) 與友人於上週一看到該廣告應徵: 佢響電話只係講左地址,黎到見到個招牌都好驚訝,都唔知咩地方黎,所以都諗左幾分鐘先上去.一心想搵工,咪試吓囉! 從沒工作經驗的Cat坦言薪金吸引:佢話係賣雪糕ge,上班地點係尖沙咀,近我屋企,仲話每個鐘30蚊,高過M記得17蚊個鐘. 面試過程中,對方只問她一些簡單個人資料,便叫她下星期上班,她擔心有問題,決定不做,隨即轉到KFC見工. 記者於上週二傍晚見工,一名年約40歲,身形肥胖的男子領記者穿過夜總會大堂,走進一間儲物房,沿途不少中年男客人以淫蕩目光上下打量女記者,亦有至少10名衣著性感,貌似十多廿歲的少女在工作. "你唔會響呢度返工,間雪糕店響尖沙咀ge商場,響邊度就暫時唔講住,請左你之後,你先返呢度打咭,跟住有人帶你過去返工,月薪8千蚊,負責落單賣雪糕,逢5號同20號出糧返11晚7." 胖男在5分鐘內熟練地解釋一切. 記者之後上午11時上班,該名肥胖男子換上西裝,然後叫記者填寫入職表格,但表格竟是'金田閣'聘請公關小姐的合約.他解釋:雪糕店d表格未印好,咪用住夜總會d表格先囉!夜總會同雪糕店都係我地老闆ge,一陣有同事帶你過去返工,雪糕店響奧海城同太子. 與說在尖沙咀上班不同. 記者呆坐兩小時後,胖男終露出狐狸尾巴:雪糕店d雪櫃壞左,暫時開唔到工. 不如咁啦,你先係夜總會做侍應,唔夠小姐就幫手陪d客唱歌,絕無色情!雪櫃整番好會調番你過去. 記者以工作不適合為由離開. 據刑事案律師鄧達明表示,如存心刊登與事實不符合的廣告,可觸犯欺騙罪,最過刑罰監禁十年. 擔該公司一名己工作一年的19歲工關Mary(化名)說:我個friend上年暑假響報紙見到花店請人,見工先知黎呢度做小姐,經理同媽咪都話做小姐至少收入有二萬蚊,最後佢都做埋小姐,仲叫埋我黎做.我前幾晚先見幾個o靚妹返工,唔夠兩日就無左影,可能唔慣啦,搞到依家群枱唔夠小姐. 少女初出茅廬,求職要萬分小心! 墮落路: 侍應>公關>小姐據旺角區一間夜總會負責人波哥透露,行家為吸納年輕新血,會各出蠱惑招, 只要有女仔返工,就可以分三招呃她接客. 佢地(女學生)入世未深,又急住搵錢,首先會留住佢地響夜總會做侍應,約做一個禮拜,就會再勸佢地做公關小姐,呃佢地話同酒吧拳手性質一樣. "等佢地習慣夜總會陪酒工作後,如果都只係做金魚(只陪坐,不作性交易) 就會盡量唔比客佢,只有底薪收入,等佢明白要做木魚(作性交易)先有錢搵" 他說每次出街,小姐都可收取約$700,公司不會抽佣,但公司會收客人每兩,三小時約1千元鐘錢,通常已洗大左的少女,都會願意轉為接客.

作者: 黑色鑽石 時間: 2006-7-10 21:34

D人好賤格~咁佢同商業詐騙有咩分別~ 我都試過比人呃去見過E D工(唔係金田閣) 去見個時都覺得有D奇怪~ 個女人同我講我負責文書之後有個男人入黎話我負責售貨之後即走~ 後尾睇番報紙見到有個聘請初級文員,女裝售貨,cafe店務員等等好多都係同一個電話~

作者: 雷達 時間: 2006-7-11 08:32

根本係呃人其實應徵者都有負責去分析番份工同件事，如果咩都唔諗就覺得一個月八九千蚊，無可能

作者: fireangel 時間: 2006-7-13 08:50

咁都得... 好變態啫... 咁樣呃人做埋d咁嘅野~~

作者: TONY511 時間: 2006-7-18 11:33

根本係呃人

作者: rc1989 時間: 2006-7-20 00:31

好彩我無機會中招姐

歡迎光臨雷達部屋論壇 - 香港討論區 ! 電台資訊的論壇 (http://bbs.lritat.com/)