雷達部屋論壇 - 香港討論區 ! 電台資訊的論壇

標題: 李力持笑話 [打印本頁]

作者: 天成 時間: 2006-7-4 14:13 標題: 李力持笑話

hide <<開門>>
一日，精神科醫生大力想探探Ｄ精神病人狀況有冇好轉，於是就隨手拿了一枝筆在空氣中畫了一道門：「邊個可以將呢對門打開，就可以見返親人。」
於是，肥谷就使勁咁踢對門，田雞則對著門破口大罵……
只有小如靠著牆，睇住田雞和肥谷，自己不禁偷笑。
於是大力就滿心歡喜咁問小如：「點解你唔去試吓開門？」
小如：「他們點可能打得開對門呀？」
大力：「點解呢？」
小如一邊冷笑一邊在口袋裡拿出一條鑰匙，仲好得意洋洋咁話：「因為鑰匙響我度！」
大力：「！？＃％＠＊」

<<中招>>
一日，兩架車發生擦撞，車主大力同肥谷都一齊落車睇吓有冇咩損傷。
大力睇一睇架車，就說：「好彩我地都安然無羌，架車都冇咩損傷。正所謂不打不相識，
而我地就不撞不相識！老兄！駛唔駛飲啖酒定一定神？」並遞上一瓶酒。
肥谷估唔到大力咁寬宏大量，本來打算追究大力做乜失驚無神停車，但見大力咁鬼死好禮貌，
故此欣然地接受，並且大啖大啖咁飲。跟住就問大力：「喂！好正呀！你呢？要唔要返啖？」
此時大力展露笑容：「好呀！不過等警察唻?鬻琤凇摯捸I」
肥谷：「！？＃％＠＊」

《勇敢》
大力與小如剛剛看完一齣美式英雄片, "極速六十秒".
小如話:「um……我第日個老公有個男主角o甘勇敢就好Lor……」
大力:「放心o! 一定勇敢過佢.」
小如:「真o既? 點解？」
大力:「我諒個男主角都唔敢同妳拍拖La! 妳老公肯娶妳, 仲唔勇敢過佢?!」

《愛的決擇》
大力問肥谷:「有兩個女仔, 一個好有錢, 個樣就麻麻, 一個冇錢, 但我真係好鍾意佢, 你話揀邊個?」
肥谷:「梗係揀鍾意o個個啦! 愛情邊度講錢Ga!」
大力:「嗯……你o岩!」
肥谷轉頭問:「係呢?……你個有錢女住邊? 做兄弟既, 兩脅插刀! 我好樂意幫你哽o左佢先.」

隱藏內容: <<衰多口>>
田雞o向和合石火葬場做o左十幾廿年, 經驗老到, 但係最近俾人炒o左.
肥谷就問:「做乜俾人炒?」
田雞:「無, 講錯o左一句說話LOR!」
肥谷:「o華!講句乜o甘大鑊?!」
田雞:「我上次衰多口, 問人o地屋企人: 想要幾成熟o丫你o地?」

<<老豆係邊個>>
有日, 二世祖大力o向條街度吐痰, 俾衛生幫小如捉住,
小如話:「依家charge你隨地吐痰.」
大力好囂張o甘問:「妳知o吾知我老豆係邊個?!」
小如諗o左一陣:「o恩...先生, 我真係幫你o吾到, 乜你阿媽冇同你解釋清楚？!」

<<牧師與修女>>
正值戰亂, 敵軍四處強暴婦女.
修女小如:「點算o丫牧師!?佢o地殺到o黎o啦！」
牧師大力二話大說, 一拳打到小如塊面踵o左一撻.
小如:「做乜打我o丫牧師?!」
大力:「我費事見到妳o甘開心個樣o丫！」

《釣魚》
大力見田雞拎住一塊鏡去岸邊。
大力奇怪問田雞：「喂！你做緊咩呀？」
田雞：「冇呀！釣魚囉！」
大力：「你有冇病呀？用塊鏡唻釣魚？」
田雞：「唔信你畀一百蚊我，我釣畀你睇！」
大力半信半疑畀左一百蚊田雞。
田雞：「0拿！當你一見到有魚，就用塊鏡反射佢個樣，佢一見到自己個樣就會嚇到暈。咁你咪可以捉佢囉！」
大力：「黐線！咁都得？！咁你今日釣到幾多條魚丫？！」
田雞：「嗯……計埋你，今日都畀我釣到六條架！」

《衣櫃裡的男人》
精神病院急症室。
肥谷：「醫生，我懷疑我老婆有精神病呀！仲係好嚴重添呀！勞煩你去睇一睇佢丫！」
醫生：「你冷靜Ｄ先，你先話我知佢有幾嚴重？」
肥谷：「佢Ｄ衫雖然唔係名牌，但成日都驚有人偷佢Ｄ衫呀！」
醫生：「咁有咩症狀丫？」
肥谷：「有日我早左放工返屋企，發現我老婆請左個唔著衫既男人企0係衣櫃唻睇實佢Ｄ衫呀！」
醫生：「＠＃＄％＆」

《死刑》
話說大力、肥谷同田雞三人到非洲旅行。到了某一部落，見天色已黑，於是就在該部落休息。
三人夜遊，無意間偷窺到正在洗澡的酋長夫人，亦被發現了。三人因此被捉，酋長大怒。
酋長問大力：「要死還是要被彈老二？」
大力心想：死不如活著，就說：「彈我啦！」
過?髐@陣，遠方就傳來大力淒厲的叫聲。
酋長又問肥谷同樣的問題，肥谷又係咁諗。但酋長的回答卻是：「捉去彈一百下！」
一會，大家又聽到更肥谷更淒厲的叫聲。
終於輪到田雞，田雞心諗：死?鬫n過痛餐死啦！於是佢就答：「畀我死啦！」
於是酋長下令：「捉去彈到死為止！」
田雞：「＊＃％？＠！」

《驗身》
小學生大力與小如在醫院等候驗身。小如由入醫院門口開始就喊個不停，大力不勝其煩，
終於忍不住開口問小如。
大力：「喂！小如你喊乜鬼呀，喊到收唔到聲？」
小如：「我一陣間要驗血呀！」
小力：「咁又點呢？」
小如：「你唔知！果日肥谷驗完血，佢同我講，驗血果陣，個護士會用隻手捉實佢隻手指，
然後用塊刀片，割落隻手指度，再用手大力咁擠佢隻手指，等?囍摨w出唻，然後再搽響塊玻璃度，
稍為諗吓都知道一定痛鬼死人啦！唔喊就有鬼啦！」
「嗚！嗚！……」大力一聽完唔知為乜突然喊起來，而且喊到劏豬咁款，喊得比小如厲害十倍。
小如十分奇怪問大力。
小如：「大力，你為乜喊呀？」
小力：「我好慘呀！一陣個護士要同我驗尿呀！嗚！嗚！……」

作者: 哈哈笑 時間: 2006-7-4 18:43

??????

作者: 哈哈笑 時間: 2006-7-4 18:44

好笑咩

作者: fungfungbb 時間: 2006-7-4 19:38

唔好笑嘅

作者: lcman 時間: 2006-7-5 01:17

哈哈哈..........

好幽默woo~^^~

作者: samms414 時間: 2006-7-5 16:13

冇野好講好笑咩

歡迎光臨雷達部屋論壇 - 香港討論區 ! 電台資訊的論壇 (http://bbs.lritat.com/)