雷達部屋論壇 - 香港討論區 ! 電台資訊的論壇

標題: 小心無良寵物店 [打印本頁]

作者: emilylingling 時間: 2006-5-6 00:47 標題: 小心無良寵物店

小心小心呀！！！大家千其唔好去觀塘工業區一間樓上寵物店呀！間寵物店係觀塘廣場對面的業發工業大廈第二期14樓叫「住X貓」佢地賣D貓有傳染性極高、會死貓的「腹膜炎」賣D糧又過期、D藥(FRONTLINE)仲要水貨扮行貸TIM 我知最近佢地入左幾隻「大陸」返的「安哥拉」仲呃D客話係住家貓之前我帶左自己隻貓貓去打針，同買左隻異國貓BB 點之我自己隻貓貓過兩日就病左，於是我帶左兩隻貓一齊去睇獸醫醫生話佢地要留醫，仲CHECK左好多野，最後証實患左會死貓的「腹膜炎」新買個隻BB過左幾日就死左，我自己隻BB依家仲食緊藥，只可以食流質食物，成隻貓廋哂..... 我去呢間寵物店同佢講隻貓的情況，仲攞埋醫生証明去，點知佢反口，明明當初話過有七日保證，點知佢居然話：就算我報警，佢都可以話隻貓唔係佢賣，七日保證只係講下，無証無據！因為佢係無攞牌賣貓，所以佢係唔會有單據，對我地全無保障雖然我已經同佢買開野差唔多成年，都算熟客，估唔到佢都會咁做...... 之前D糧過期、D藥(FRONTLINE)水貨扮行貸我都當佢真係唔小心姐，原來佢係有心的大家千其唔好去呀！唔好助長呢D歪風！

歡迎光臨雷達部屋論壇 - 香港討論區 ! 電台資訊的論壇 (http://bbs.lritat.com/)