雷達部屋論壇 - 香港討論區 ! 電台資訊的論壇

標題: 房(兇)空洞 [打印本頁]

作者: 【↗草莓＊】 時間: 2005-3-29 09:38 標題: 房(兇)空洞

大家知唔知咩係房空洞呢???房空洞其實....係好耐之前~日本仔打到黎香港~當時大家互相對打....雖然d日本仔好勁呀~但係最後d日本死都死晒....果陣死左既人,唔會話可以點樣正式安葬,因此~呢d死屍就o係果到...慢慢咁埋左入地下到,做做地下既一份子啦...
之後,過左好耐,有d做建築既就o係果d唔知死過人既地到起屋,點知一起就起左成幢大廈商場出黎啦...
起初果陣冇咩野嫁,果個商場既負責人請左好多人返黎~咩部門既人都請晒返黎啦...
有一日...o係e個商場到,仲有幾個sales未走~佢地每次都走快路~就係搭lift落地庫去後門搭車返屋企~就係e個晚上....不尋常既事就發生啦~同行既幾個女sales行下唔見一個,行下唔見一個........到最後..連最後一個都唔見埋....直到第二朝~d人照樣返工~但係老細就發覺唔見左幾個sales~就搵第2d sales頂住先~跟住打電話去佢地屋企~唸住同果d未返到黎既sales講,再唔返黎做野,就炒左佢地啦~點知...個電話長響,仲要o係office到響仲愈響愈大腥....之後舍老細落去問下d sales有冇見過果幾個sales返黎啦,但係個個都話冇...咁老細迫於無奈就炒左佢地啦~
到到黃昏...頂果幾個炒左既sales做到好晏,差唔多5,6點先走....平時e個時間,個天仲未黑,但係唔知點解,今日個天特別黑,仲愈黎愈黑,果幾個sales就好快手咁汁埋果d野就走啦...點知....有一大個黑影飛過,轉眼間幾個sales又唔見左.....如是者,d sales一個一個咁唔見晒....最後得返幾個....
某一日,4點鐘~阿li(女仔)sales 做完晒d野,返屋企....佢男朋友同佢一齊走,佢地慣左行地庫走,點知一落到地庫,佢男朋友就唔見左.......阿li就唯有自己行,一路行一路等佢男朋友啦....點知....阿li見到佢男朋友著住軍服,塊臉開始愈來愈迷糊,最後化左做一個黑影~向佢飛過去...最後....阿li就消失左~
之後,老細返到商場,發現愈來愈唔對路,就搵風水師黎傾下,點知,風水師話e到係邪門之地~要佢即刻拆左佢~之後...e個老細就搵返果班起e個大廈商場既建築工人拆左佢.....點知拆完之後.....先發覺原來e到係房空洞~仲死過好多日本仔~之後~再冇人敢o係e幅到起任何野啦.....

但係e個係咪結局呢?仲未係.....因為仲有下文....下次先再打＝　＝｜｜打全咁多先~

作者: 波子 時間: 2005-3-29 09:56

都幾慘下喎..咁多個sales俾人捉左= =

[ Last edited by 波子 on 2005-3-29 at 09:59 ]

作者: 雀ＢiｒＤ 時間: 2005-3-29 10:17

咁個結局係點?

作者: ↗【》列卡～《� 時間: 2005-3-29 11:30

等佢返黎自己講囉

作者: 【↗草莓＊】 時間: 2005-3-29 18:14

佢係一個一個咁消失左~好似人間蒸發左一樣.....

作者: 【↗草莓＊】 時間: 2005-3-29 18:15

阿雀,你想知結局係點????
好啦~~咁我就打埋落去啦........

作者: 小云子 時間: 2005-3-29 18:46

快d打啦A"A

作者: 【↗草莓＊】 時間: 2005-3-29 19:05

上一半講到......發現左果到係房空洞之後~仲死過好多日本仔~之後~再冇人敢o係e幅到起任何野啦.....跟住過左冇幾耐...有一班『唔信邪』既建築商為左搵多d錢~佢地就o係e塊地到起左一幢樓~e幢樓有成30層高,係當時最高既樓~一開始推出既時候,冇乜人會去買~因為果到四面都係山,除左山....都係只有山,又唔靚,冇咩風景~e班人見冇乜人買呢d單位,就再起d商場呀~起一d遊樂場....等等呢d野黎吸引d人去買啦~跟住,好多人就走左去買呢d單位黎住啦~開頭住果陣唔覺得有d咩唔妥嫁,但係日子耐左住下住下,覺得幢樓好似愈來愈矮,有下陷既跡象,而果d被埋o係下邊既人.....就一一咁死去啦.....結果鬧出鬧鬼既事情....每一日到左5,6點倒,成幢樓既燈都會"斬斬下",之後,果d人見情況愈來愈差,又冇改善,就唸全搬走啦~點知~~惡夢發生啦~每一個想逃生既人都走唔到......因為佢地已經被埋左去一個漆黑一片既大地果到.....又冇水冇食物既情況下,d人一個個咁死晒....到最後,建築商見情況不妙,就同話起e幢野果個人講啦~..跟住佢地就開始係咁向下掘........點知.......佢地掘到既係一推又一推湧上黎既屍體,好似一個亂葬崗咁,好恐怖......果時,個天冇啦啦黑晒,好似想落雨咁....突然,一陣好似風既野出現場,一卷竟卷走晒果d人....而果d人就消失,冇人知下文係點,亦冇人知佢地去晒邊.......而果到..就被封為禁地.....『請勿在此動土!』

歡迎光臨雷達部屋論壇 - 香港討論區 ! 電台資訊的論壇 (http://bbs.lritat.com/)