雷達部屋論壇 - 香港討論區 ! 電台資訊的論壇

標題: 墓地驚魂 [打印本頁]

作者: ＢＲｉＡN 時間: 2005-3-28 23:45 標題: 墓地驚魂

時間：不詳

地點：墳墓

撞鬼人物： Fanny 、 Fanny 表弟

以前，我從來不相信有鬼怪的存在，但自從發生了

這件事後，我便很想藉「撞鬼你」告訴別人我親身

的經歷。

一天，爸爸駕著私家車接我放學。回家途中，曾經

過某墓地，一經過我已有一種不祥的感覺。這時我

的表弟（坐在我旁邊）說：「表姊，這些是什麼？

為什麼會有些白色的長方形？」並用手指著。我裝

作若無其事。我表弟要暫住在我家十三天，而每天

放學也會經過那墓場，每天表弟都問這個問題。

有一天，他指著一個大聲說「傻瓜」，我聽了立刻

罵他，因為我知道是不可隨便用手指著墳墓的，而

且更不可隨便罵。第二天，表弟病了，只剩下我一

個人坐在後座。我如常的經過，我看見了一件紅色

衣服在空中飄著。之後便問爸爸，由於他專心駕駛

，所以沒有看見。之後的日子，我不斷的看見，而

且仲發惡夢，看到表弟死了。之後我每 Sunday 都帶

表弟去教堂，幸好最後都沒事。

雖然這並不恐怖，但的確真人真事。

李終貴按：

終貴細個時亦曾經少不更事，跟哥哥去墳場玩。唔

知點解，一大班人去墳場玩會覺得特別興奮。覺得

入便世界同出便 o既唔同。大家最鍾意玩捉迷藏。曾

經有一次，我 o地一行五個中午時分去玩。點知玩到

夜晚十點，發現有一個人失蹤，大家第一個念頭係

：「咦？唔通佢返左屋企？」大家見天入黑，所以

都趕住返去。到半夜，突然有人拍門，原來係失蹤

果個人 o既家人問：「到底你 o地去左邊度玩？點解咁

夜都唔返屋企？」最初大佬唔敢講去墳場玩，只係

話：「我 o地去球場打 o地，打完已經各自返屋企。」

終貴份人唔鍾意講大話，又見對方滿頭大汗，心有

不忍，於是爆左出 o黎。大家即刻報警，又去墳場搵

佢。一直都搵唔到。直至臨近天光，大約五、六點

，突然見墳場遠處有人跑緊，警察叫佢咪郁，用電

筒一照之下，原來係佢。佢失失慌咁，又語無倫次

。於是送佢去醫院檢查。過兩日，終貴靜靜去佢屋

企探佢，佢鬧終貴唔夠朋友，點解唔搵佢就走。原

來佢藏身 o係一個好殘舊 o既墓穴旁邊，一直見到大家

四圍搵人，佢仲好開心，心諗：「點解自己見到大

家，大家都冇發現佢呢？」後 o黎我 o地走左，佢先開

始慌張，本 o黎想走，但係走 o黎走去都走返原地。半

夜仲聽到墳場好嘈，好似好多人 o係度傾偈。所以驚

起上 o黎，咪通山走搵出路囉。好彩我 o地及時趕到 :055::056::026::034:

作者: 波子 時間: 2005-3-29 08:55

嘩..俾我係佢..射返自己係度..我都會通山走...祈求冇事先

歡迎光臨雷達部屋論壇 - 香港討論區 ! 電台資訊的論壇 (http://bbs.lritat.com/)