雷達部屋論壇 - 香港討論區 ! 電台資訊的論壇

標題: 猛鬼學校大搜查 [打印本頁]

作者: ＢＲｉＡN 時間: 2005-3-28 23:37 標題: 猛鬼學校大搜查

呢件事大概發生o係一年前，我o個陣時讀緊中五，所以成日都o係學校自修室溫書，直到黃昏七點學校差唔多閂門先走，通常都只係得返兩三個同學。冬天o既時候，七點基本上天已經黑晒，校工又熄晒燈，所以由自修室通去學校正門大堂o既路，只係得街外微弱o既燈光透入o黎照明，如果一個人行o既話，真係幾得人驚。

有日學校差唔多閂門，我自己一個人經過呢條走廊，迎面冇端端吹起強風，一張紙隨風咁飄到我o既腳邊，我好奇咁執起o黎睇。原來係一頁色情漫畫，漫畫裡面畫o左一個裸女死神從墳墓入面爬出o黎，我覺得幾得意，所以就收埋o左入書包，點知怪事就發生喇！

連續幾日我都好夜走，但係每一晚經過走廊，都會發現一頁色情漫畫，而且仲要係順序連續o既添！漫畫裡面o既劇情逐漸清晰，死神離開墳墓之後，要o係人間搵一個替死鬼返去地獄。佢走過好多地方，殺o左好多人，捉o左好多o既靈魂，但係都搵唔到一個佢滿意o既；直至佢去到一間學校，而呢間校舍非常眼熟，因為就係我讀緊o既學校。

我開始有o的驚，所以將所有漫畫捲埋落舊報紙堆度，然後提早離開學校，可能因為咁我真係冇再執到漫畫頁。就咁樣過o左一個月，我漸漸唔記得o左呢件事，但係呢晚我又再遲o左離開，漫畫頁又再次出現，漫畫上o既死神好嬲，而且o係呢一晚，終於o係走廊遇上佢o既目標。

我轉身一望，果然見到一個黑影慢慢咁接近我，嚇得我兩腳發軟，但就o係呢一剎那，黑影傳o黎慘叫聲之後就消失o左，我完全唔知點解。後來先知道，咁o岩o個日我阿哥去燒烤，拎o左堆舊報紙，可能好彩及時燒o左o的漫畫，所以我先可以化險為夷，自此之後我都唔敢亂執起地上o既o野。
:027::027::027::027::027::027::027::027::027::027::027::027::032::032:

作者: Cake-- 時間: 2005-3-29 01:28

白白白白奶奶奶奶　　　　ＸＤ“

作者: 波子 時間: 2005-3-29 08:47

通常我見到迎面有紙飛埋黎..我都睇下係咩黎..之後唔理架啦-v-"

作者: 【↗草莓＊】 時間: 2005-3-29 08:53

唔汁地上d野係好嫁...因為地上既野....可能會係一d"污糟野"你帶左返屋企都唔知嫁....

歡迎光臨雷達部屋論壇 - 香港討論區 ! 電台資訊的論壇 (http://bbs.lritat.com/)