2008 星座運程 - 滿天星座館 - 雷達部屋論壇 - 香港討論區 ! 電台資訊的論壇

月。星夜Φ

管理員

活著自由時間の夜靈

UID 6
精華 3
積分 42169
帖子 1690
現金 12
存款 16587
閱讀權限 255
註冊 2005-3-10
來自天使と悪魔 ...
狀態離線

發表於 2007-12-23 13:13 資料文集短消息

2008 星座運程

白羊座

響新的一年，最令白羊人又喊又笑的會集中響工作方面，原因係大吉星木星響０８年會去到各位白羊人的事業宮，意味住事業會得到更加好的發展，會得到老闆欣賞，地位亦得到大大的提高，最重要係得到更大更有用的權力，真係可喜可賀！不過大凶星土星依然會停留響各位白羊人的工作宮，代表響工作上面仍然係有好多麻煩事，要有心理準備不斷接受挑戰啦！白羊人的主星火星響全個１月都會逆行，影響到運氣同心情變得較差，有咩新計劃或者大決定都唔好揀呢段時間！

事業運～

好運滿晒星！有唔同的機會出現，係大家創業的好時機！雖然亦有唔少問題，不過全部都可以逢凶化吉！１月至５月的期間麻煩就最大，要努力克服，唔好咁易就放棄；如果想創業呢，最好避免在５月中至９月中！

金錢運～

講到財運方面，全年都冇乜大問題，當中尤以正財收入最理想，投資運一般；而橫財運呢，響1月較差，千祈唔好用賭錢來陶冶性情喎！

戀愛運～

０８年的戀愛生活冇乜大風浪，雖然未會有好大的轉變，不過不失為唔錯的一年，唯一要留意的係９月尾至１０月中，水星會響你的伴侶宮逆行，容易同另一半發生溝通問題，記得平心靜氣好好傾下啦！

==================================================================

金牛座

各位單身的金牛人唔好意思，響０８年大凶星土星會進入各位的戀愛宮，代表響來年戀愛生活睇怕都係水靜鵝飛，就算真係有都會出現好多麻煩同障礙，尤其係響１月的時候！不過又唔駛咁灰，正所謂雨過就會天晴，只要拎出堅毅，努力不懈去面對，捱過初頭的辛苦，都可以抱得美男或者美女歸！要加油！另外更加要留意，又係因為土星的帶契，０８年亦好容易唔覺意有ｂｂ，唔多想又無計劃的朋友就要記得記得「要大家笠」啦！至於大吉星木星０８年會落入金牛人的進修宮同旅遊宮，最適用外旅同進修，如果能夠將兩者合併即係索性去埋第二度讀書就應晒景！總括講金牛人的主星金星響０８年唔會出現逆行，全年的運氣原則上都係好好，真係可喜可賀！

事業運～

０８年的事業冇乜大起跌，最大的麻煩都係來自溝通出錯，水星分別會響１月至２月中同９月尾至１０月中響各位金牛人的事業宮同工作宮逆行，只要響呢兩段期間留意處理文件同溝通，相信都可以順利過渡！反而係響６月至１０月尾，天王星會響事業宮逆行，公司可能會出現變化，不過都唔到你諗囉！

金錢運～

正財冇乜大變化，１月至２月中同９月尾至１０月中會較為波動，唔好亂駛錢；橫財運一般，反而投資運就要特別注意，唔係太有信心就最好唔好掂，尤其係１月至５月頭呢段時間！

戀愛運～

因為土星的影響，０８年對戀愛運唔好有大寄望啦！仲要留意有冇爛桃花埋身添！尤其係響１月至５月頭，去到下半年都好ｄｄｄｄ…

==================================================================


雙子座

０８年大吉星木星會進入各位雙子人的橫財宮，除了５月中至９月中呢段期間因為逆行之外，全年其他的日子手氣都相當唔錯，而且仲會有好多貴人帶來唔同的好消息畀你，可以話輪住塞錢入你袋！如果之前有人爭你錢未還，記得趁住出年追返ｄ爛債返來！至於大凶星土星響０８年會落在你的家庭宮，最基本帶來的麻煩事就係為你同屋企人的關係帶來負面影響，同屋企人的關係會變得較為緊張，尤其響１月土星又逆行再加埋你粒主星水星都逆行，真係兩個手掌拍拍響，所以要多ｄ忍讓下啦！另外家庭宮亦包括埋住屋，因此連帶０８年置業運都麻麻地，有意買樓賣樓甚至租樓的雙子人都要提高警覺，小心ｄ精靈ｄ，仲有係平日出門口記得閂好門窗，檢查下水喉同爐頭啦！最後各位雙子人的水星０８年會響１月尾至２月中、５月尾至６月中同埋９月尾至１０月中逆行，響呢３段期間心情都會受到影響變得唔多好！

事業運～

大致上08年的事業運都冇咩大災難，最大的影響都係來自大氣候，好似因為天王星響7月頭至11月會響你的事業宮度逆行，任職的公司會出現大規模的改變，對你或多或少都會造成影響，避都避唔到；至於工作運呢，就冇乜大問題，可以放心繼續努力啦！

金錢運～

講到財運，正財收入大致上冇乜事項要注意，反而係投資運同埋橫財運就要留意！首先係投資方面，因為水星會響９月尾至１０月中響你的投資宮逆行，好易因為訊息出錯而招致損失，記得要多ｄ留意簽署文件又或者利用互聯網時要加倍留神啦！至於橫財運呢，本來有吉星木星照住會好運到爆，不過響５月中至９月中會木星會逆行，所以小心會成一場歡喜一場空呀！

戀愛運～

至於戀愛運，蜜運中的雙子朋友，同你情人冇風冇浪開心過渡；單身的朋友都會有情緣出現，不過咪開心得滯，事關響９月尾至１０月中，你自己的主星水星會響戀愛宮逆行，好易因為言語發生誤會，一係就表錯情攪到好瘀，一就講錯說話攪衰單萌芽中的戀情，提防啦！

==================================================================

巨蟹座

各位巨蟹朋友真係恭喜晒！大吉星木星響０８年會大駕光臨你的伴侶宮，帶來最大的驚喜就係唔結婚都會同居！響０８年，除了５月中至９月中呢段時間會麻麻地之外，全年同情人的關係都甜蜜到痺，最適合結束長跑拉埋天窗，諗諗佢啦！０８年要最要注意的地方，係凶星土星會響你的第3宮出現，受到影響的範圍有：一係同好朋友、兄弟姐妹甚至係左鄰右里好容易發生爭執，口角不過唔會動武，就算係對方唔著都要好好忍讓下；另外一個影響就係容易禍從口出，即刻成日講錯說話！響呢一年都係少說話多做事，座右銘係「多講多錯，唔講錯少ｄ」！基本上，０８年都係平平穩穩冇咩大危機出現！放心啦！

事業運～

０８年事業運平平，故言之冇風浪，不過亦冇乜新突破，較為麻麻的時間會係火星逆行的１月同木星逆行的５月中至９月中，其他日子都冇咩特別事要注意，整體來講，下半年會比上半年優勝！

金錢運～

輪到財運方面，正財同偏財都冇乜大問題，只要響投資時唔好自己衝動行事亂投資，聽下其他人的意見就冇事；唯獨係橫財運就認真麻麻，尤其係１月尾至２月中，好易信錯貼士搭沉船，一係就唔見飛，唔好響呢方有咩寄望啦！

戀愛運～

頭先講，０８年戀愛運好到不得了，拍緊拖的朋友可以拉埋天窗，同honey關係好到痺！至於未有著落的巨蟹人，除了年頭１月冇乜起色之外其他日子只要肯主動出擊，包你一定有收獲！

==================================================================

獅子座

先為各位獅子人報導下來年０８年的好消息先，大吉星木星會落在你的工作宮，意味住響來年各位獅子人的工作運會非常非常咁順利，稍稍弱ｄ的時段會係木星逆行的５月中至９月中，其他日子強到痺！至於唔好的消息呢，就係土星會移到你的金錢宮，帶來的影響當然係直接減少你的正財收入呢，０８年的經濟會有壓力，所以千祈咪大花筒，切忌先駛未來錢，唔好申請信用咭之餘，好連ｄ舊咭都剪晒佢，另外亦唔好咁輕易就諗住投資呀！記住響０８年，你的座右銘就係「忍一忍手，謹慎理財」！

事業運～

得到木星關照０８年的工作運好到不得了！邊個行業的獅子朋友都可以受惠，做咩都能事半功倍；再加上事業宮的主星金星響０８年唔會出現逆行，無論係公司定係同事都對你非常欣賞同信任，總之一句講晒lucky！

金錢運～

要排位投資運最理想，橫財運就麻麻，而正財運好似頭先一早都講，因為受到土星的影響會變成問題重重，唔好怕長氣，真係要提提你唔好亂駛先呀！總之下半年會比上半年好，要留神呀！

戀愛運～

無論係單身定係拍緊拖的獅子朋友，響０８年感情生活都冇咩大問題，唯一要留意的係拍拖的朋友，因為１月尾至２月中水星會響你的伴侶宮逆行，容易引起你同情人出現溝通的麻煩！響呢段時間要留意啦！

==================================================================

處女座

年年都總有個星座要蝕底ｄ收留粒「不幸之星土星」，０８同０９年要背負呢個工作的星座呢就係～～你處女座！其實土星又唔係真係咁差，只係佢多多少少都會為落入的星座帶來精神壓力，影響到當事人覺得咩都唔係咁順利，睇咩都唔係咁順眼，容易令到各位處女人響呢段時期感染到唔同程度的抑鬱！不過又唔駛太擔心，只要響呢段時間保持「宜守不宜攻」的秘訣，要平平安安渡過呢段非常時期都唔係難事！好啦！講返ｄ好消息過你聽，響０８年大吉星會落到你的戀愛宮，桃花旺到不得了！會有唔少條件好的對象出現單身的處女人可以將精力轉移到戀愛生活上面！至於拍拖中的朋友呢，因為天王星響７月至１１月會伴侶宮逆行，所以響呢段時間容易成日萌生分手的念頭！要冷靜ｄ！

事業運～

工作運響０８年屬於一般，下半年好過上半年，而最差的時段就係響１月至２月中，容易因為其他無聊小人的中傷而影響到你的工作表現，宜搵下其他人幫手解決問題，唔好諗住自己單打獨鬥攪得掂喎！

金錢運～

響３大財運之中，以橫財運最理想，除了月容易因為衝動而損手之外，其它時間的運氣都響度；而正財收入呢，響９月尾至１０月中容易因為自己講錯說話而失去機會，尤其係靠把口搵食的朋友講說話時記得要小心一ｄ啦！至於投資運，只要響１月尾至２月中提防一下，全年應該都冇咩大災難！

戀愛運～

唔駛講都知０８年桃花強到恨死隔離，無論本身有冇拖拍的都會唔少對象主動殺埋身！單身的故然之係好事，本身拍緊拖的朋友就要冷靜ｄ諗清楚啦！尤其響７月至１１月呢段天王星逆行的高危日子入面，問下其他人的意見再加詳細諗清楚至好喎！

==================================================================

天秤座

大吉星木星響０８年會落入你的家庭宮，為你帶來的著數係同屋企人的關係會好到不得了，而且全家上下無分輩份都會成為你的貴人；另外，家庭宮亦掌管住屋方面，所以亦意味住０８年響置業方面係有返ｄ運仔，無論係買樓賣樓，又或者想租樓的天秤朋友都可以受惠，有呢方面計劃響０８年就好好諗諗啦！至於壓力星土星，響０８年會移到你的第12宮，令你容易自我膨脹，同身邊ｄ人相處時會指指點點，個人主義到爆，脾氣亦變得大，同往日的你形成好大的對比，要好好留意下，多ｄ接受其他人的意見，唔好咩都一意孤行呀！另外１２宮亦掌管小人，有土星進駐此宮，或多或少小人的滋擾都會增加，不過只要抱住開放的態度，有咩唔著講到著，咁都可以安然渡過！０８年天秤人的主星金星係唔會出現逆行，基本上全年都係個好年頭，自己好好把握啦！

事業運～

０８年事業運屬於中上，冇風又冇浪，唯一係要留意的天王星會響７月至１１月期間響工作宮逆行，影響到工作形式會出現費時失事的轉變，只要耐心忍耐，都唔係一個大問題！

金錢運～

正財運同橫財運都屬於中上，正財運響１月初因為火星逆行會較弱，其它日子完全冇問題！唯一要留意係投資運，響１月尾至２月中好易誤信傳言而令你買錯股票投錯資，到果段時間記得要做好功課先下決定啦！

戀愛運～

至於戀愛生活呢，拍緊拖的天秤朋友可以響０８年同情人平穩過渡，而身的朋友響年初好易出現假桃花，睇定ｄ就好易錯過機會，快得滯呢又會揀錯人，真係慘慘慘！

==================================================================

天蠍座

響０８年大吉星木星會進入你的溝通宮，代表你響呢一年裡面把靠把口都夠晒，最大的得益當然係本身做傳媒工作的天蠍人啦！其次係靠把口搵食的好似保險呀、地產經紀呀、教書呀咁都會有好好的發展！各位天蠍作者，記得加把勁寫多幾本書啦！至於其他唔屬於呢個行業的朋友呢，唔駛愁，其實呢個宮亦都掌管大家的人際關係運，響０８年裡面，同好朋友、同事、隔離鄰舍同你的關係會好好，仲會成為你的貴人添！至於壓力星土星呢，響０８年會停留響你的社交宮，代表你響０８年社交生活會受阻，輕則就係少了同班朋友仔出來聯誼，重則就係去到邊都畀人排斥！響０８年你的主星火星只會響１月逆行，所以其它日子都會順順利利！

事業運～

０８年事業運屬於中上上！無論係落手落腳的工作運，同埋你老細同同事對你的睇法的事業運都好好，唯一麻煩較多的時間係１月，其它日子都冇乜大事件！可以放心去幹！

金錢運～

正財運冇咩有問題，反而畏花ｄ精神響橫財運同偏財運方面：先講橫財運，響１月容易因為自己的衝動而損手，千祈咪貪心！到５月尾至６月中又容易收錯貼士損手，都係果句－千祈咪貪心！至於偏財運呢，響７月至１１月容易因外圍因素而受到影響，小心啦！

戀愛運～

拍緊拖的天蠍人，因為掌管戀愛的主星金星全年冇出現逆行，同情人關係甜蜜，可以互相扶持至於未拍拖的天蠍人，大部分時間的戀愛運都係好好好，唯一要留意的係響７月至１１月期間，好容易因為其他人多事的關係攪衰你的戀情！

==================================================================


人馬座

壓力星土星會由你的第9宮移入你的第10宮，代表你的事業運會受到壓力！響０８年最唔好攪的就係尋求事業突破，所以凡係諗住創業呀、轉工呀又或者轉行呀咁呢，可以避免得就避免啦！連平日一向響公司度成隻蟹咁橫行開的人馬人，都最好要收斂一下，唔好大大聲諗住老細唔敢郁你，因為響事業弱勢的０８年咩事都會發生！另外亦要留意自己響工作的聲譽，好容易惹來閒言閒語中傷，呢一年的座右銘係～「眼不見為乾淨！」！好彩，響０８年大吉星木星會去到你的金錢宮，為你的財運帶來好好！好好的運氣，正財收入會大大提高，可喜可賀！０８年你的主星木星會響５月中至９月中呢段期間逆行，要多ｄ利用其它日子處理重要決定呀！

事業運～

正如頭先所講，響０８年土星會進入你的事業宮，影響到呢方面的運氣，記得要避免轉工轉行，更加唔好貿貿然走去創業呀！仲有係響公司要收斂一下氣焰，千祈咪頂你老細咀呀！

金錢運～

得到木星的眷顧，響０８年正財收入好到爆（唔知係咪因為畀公司炒所以得到賠償呢…）；而橫財同偏財都有著數，唯一要留意係１月，要注意外圍因素影響呀！

戀愛運～

單身的人馬人戀愛運合格，只要響１月唔好衝動亂來，事睇定ｄ就全年平安冇問題；反而係拍緊拖或者已婚的人馬人要留意，響０８年同情人容易發生口角，記相嗌唔好口，仲有係唔好將自己的脾氣發響對方的身上啦！

==================================================================


山羊座

唔駛多講！響０８年大吉星木星會到達山羊座的本宮，一睇就知１２個星座入面明年最好運的一定係山羊人啦！就算去到５月中至９月中時木星逆行，都唔會減低山羊人的運氣！至勁你！記得要好好把握呢一年的運氣，有咩新計劃有咩事想試，都可以放響０８年實行！至於凶星土星響０８年會落入你的旅遊宮同進修宮，事關土星係你的主星，其實落響你邊個宮位度對你的影響都唔係真係咁差（話晒慣晒啦嘛！），至於落響呢個宮位，會影響到你好想去旅行同進修，但係礙於環境無辦法可以實行到，又或者係去旅行同進修時遇到的麻煩會增加咁解！響０８年你的主星土星會響１月至５月頭逆行，響呢段時間心情會麻麻地，可以將注意力放落其它方面分散下ｄ悶氣！

事業運～

水星響９月尾至１０月中會響你的事業宮逆行，工作會惹來閒言閒語，好在只要唔理佢好快都會冇事，留返啖氣暖肚啦！至於工作運呢，因為火星響１月而水星會響５月尾同６月尾會響你的工作宮度逆行，所以響呢兩段時期，唔好亂發脾氣，交代工作時唔好怕長氣要講多幾次！

金錢運～

普遍財運都唔差，橫財同偏財完全冇問題，唯一要留意的係正財響１月尾至２月中因為受到水星逆行的影響容易被拖數！

戀愛運～

無論單身定係拍緊拖的山羊人都冇有怕，因為戀愛運不俗！單身的會有固定桃花按時間出現，而拍緊拖的同另一半又冇咩大爭執，邊方面的山羊人都可以受惠，真係可喜可賀囉！

==================================================================

水瓶座

大吉星木星會響０８年進入你的第１２宮，會為各位水瓶人帶來兩大好處：第一樣就係會為你帶來清澈的頭腦，只要你運用得宜，響０８年只要將你的諗法放響有需要的地方就可以做到無往而不利；第二樣就係第１２宮仲係掌管住敵人的宮位，所以有木星落在呢個宮，你就可以趁住響新的一年入面同你的敵人好大機會化敵為友！至於壓力星土星響０８年會落入你的橫財宮，所以千祈唔好亂賭錢啦！另外土星落入呢個宮亦會令你容易同其他人發生金錢的糾纏，所以響０８年除非諗住呢筆錢唔預收返，如果唔係的話都係索性話冇唔好借啦！

事業運～

響０８年事業運非常唔錯，全年工作運都好好，完全冇問題出現，即管放膽去搏！至於公司亦都會對你好支持，唯一係１月較為容易同公司老細發生磨擦，要多多注意，唔好同佢頂咀啦！

金錢運～

財運方面就要注意，首先係講正財：因為天王星響７月至１１月會響你的正財宮逆行，容易導致各位水瓶人因為冇端端重整自己的財務而反而招致損失，所以唔好身痕攪亂自己個戶口呀！至於投資運同橫財運就一般，響上半年就唔好輕信謠言啦！

戀愛運～

至於戀愛運方面呢，單身的水瓶人問題較多，響１月因為火星響戀愛宮逆行而令你熱情得滯嚇走對方；而到了５月尾至６月尾的時候又會因為水星逆行的影響而攪到你講錯說話趕走對方，各位水瓶人要留意啦！拍緊拖的水瓶人就可以倖免於難，同情人冇災冇難咁啦！

==================================================================

雙魚座

大吉星木星會響０８年進駐你的社交宮，響新的一年裡面你可以識到好多新的朋友，最起碼同呢班新的朋友都可以開開心心咁相處，再著數ｄ當然係呢班新識的人入面有好多可以成為你的貴人，會帶畀你好多唔同的好處，無論係邊一隻都好，總之就係響新一年各位雙魚朋友可以叱吒於社交圈子啦！至於唔係咁好的係壓力星土星響０８年會進入你的伴侶宮，會為你同你的情人之間帶來唔少壓力，所謂的壓力唔一定係佢對你唔好，可能就係因為佢對你太好，攪到你頂唔住所以做成壓力！雖然係咁，但係都唔好咁易放棄，因為只要可以渡過呢一關，你同你情人的關係就可以更進一步架啦！

事業運～

大致上都可以平穩渡過，無論係工作，又或者同同事老細之間的相處都冇咩大問題，可以安心繼續努力衝線！要加油啦！

金錢運～

至於財運方面呢，正財同埋偏財運都冇問題，可以放心！唯一要注意的係水星會響９月尾至１１月中響你的第８宮逆行，響呢段期間容易因為溝不良或者文件的原因而令有損失，記得要留神，唔好貪快啦！

戀愛運～

感情生活方面，拎單身同拍緊拖的魚仔比較，單身的反而仲好，明年都會有唔少桃花，想脫離單身的都唔係冇計架！不過拍緊拖的就冇咁好彩，響土星的影響下同情人的關係會變得緊張，要好好坐低溝通下，忍耐會係你解決問題的最好方法！

==================================================================

"友達"があなたの身の回りにになる時に、あなたは一人ができ(ありえ)ません
"友達"が悲しむ時に、あなたは彼と同じにできます
"友達"とその他の人が良い時に、あなたは恐れることができ(ありえ)ます
"友達"があなたを離れる時に、あなたは悲しむことができ(ありえ)ます!?
なります....
今...彼は歩いて、帰って来ることはでき(ありえ)ないかもしれません
あなたは恨みがあります!?泣くことができ(ありえ)ます!?できます......
彼だけあります...彼は私に喜ばせて、その時たとえ私達は時としても
あなたが私を自分の空間からあなたの空間に連れて(持って)こさせることです
私の2人(つ)のを時間は停止します......
私はあの時まで帰りたいです
あなたのために涙を流します...固定していませんか？，うれしかったですの...
あなたはまたになります!?私のもとのままな毎日あなたを呼び出します
私は遠い所であなたの後ろ姿に会うことがあるようです
服の匂い、私の低く沈んでいる音に声を出します
あなたが歩くかどうかが遠くて、1つ私を連れてももらいます
あなたのあれらの往事、なじみのある土地で毎回いずれも私に回想させます
しかし...甘い中で有名ではありません酸です
酸っぱければ酸っぱいほど苦しみになります......

[廣告]

Petercck

版主

新上任～～請多多指教

UID 36666
精華 0
積分 10155
帖子 789
現金 302
存款 21605
閱讀權限 100
註冊 2006-7-28
來自 HK
狀態離線

發表於 2007-12-23 14:41 資料文集短消息

O I am aries. It sounds that 2008 will be a wonderful year for me wor

[廣告]

gundamken

元老級會員

哈密瓜星人之友之密瓜星人

UID 30415
精華 0
積分 82126
帖子 1189
現金 2372
存款 338488265
閱讀權限 50
註冊 2006-6-10
來自哈密瓜星之友之密瓜星=口=
狀態離線

發表於 2007-12-23 21:20 資料文集短消息

處女座

哈哈!!!!!!!!!!!!!!!!!----------------桃花強到恨死隔離------------------

HKG Zombie Panic Community

[廣告]

86 (Vincent)

管理員

Breey''Z工房~菅谷梨沙子

UID 1442
精華 8
積分 26379
帖子 1323
現金 323824
存款 2147483647
閱讀權限 255
註冊 2005-5-8
來自 ~香港~
狀態離線

發表於 2007-12-24 16:35 資料文集短消息

處女座 0,0<Me

戀愛運

唔駛講都知０８年桃花強到恨死隔離，無論本身有冇拖拍的都會唔少對象主動殺埋身！

正呀, 哈哈, 大家唔好恨啦~!! :046: :046: :046:

你有一顆正直的心，你堅定、能吃苦，你能為自己的學業不懈努力，而且你將在不遠的將來功成名就。你已經不需要去掌握什麼籠絡女生心的技巧了，因為你的一切已經達到了完美的境界。高個子、短頭髮的超可愛的她會成為你的另一半。

哈哈哈......
我已經不需要去掌握什麼籠絡女生心的技巧了，因為我的一切已經達到了完美的境界。

我個另一半: 高個子、短頭髮的超可愛的她。
[img][/img]
[img][/img]

[廣告]

gundamken

元老級會員

哈密瓜星人之友之密瓜星人

UID 30415
精華 0
積分 82126
帖子 1189
現金 2372
存款 338488265
閱讀權限 50
註冊 2006-6-10
來自哈密瓜星之友之密瓜星=口=
狀態離線

發表於 2007-12-25 17:54 資料文集短消息

QUOTE:

原帖由 86 於 2007-12-24 16:35 發表
處女座 0,0<Me

戀愛運

唔駛講都知０８年桃花強到恨死隔離，無論本身有冇拖拍的都會唔少對象主動殺埋身！

正呀, 哈哈, 大家唔好恨啦~!! ...

同志AoA 我都係處女座..正呀

大家唔好恨,:loveliness:

HKG Zombie Panic Community

[廣告]

彭刑
該用戶已被刪除

發表於 2011-4-27 07:35

*** 作者被禁止或刪除內容自動屏蔽 ***