2005-10-22 19:17
yan02
【求助】痛苦 .. 1３3 ..
我同佢,都唔知算係咩,fd又唔算係,男女朋友又唔係,我都唔知算係乜?我同佢係同間學校,佢都算係個衰人,玩人感情個種,佢大我3年既,佢一開始同我ICQ,SMS,後尾打俾我傾計咁,做D野出黎係鍾意我既,好多FD都話佢係鍾意我,但係佢一直都冇同我講話佢鍾意我,咁佢想點?
只係對住我笑,一見到我就笑,我搬野佢就過黎幫手,一直都冇咩進展,個時我就不停收到好多133既電話,勁多,後尾問佢係咪佢,佢死都話唔係,咁我都冇咩好講,一次我又收到133,我聽左,喂勁都冇人講野,我知o個個係佢,點解佢唔出聲姐?佢打咁多133俾我做咩姐?
後尾,我有個fd走去問佢係咪鍾意我,andthen佢sd左個sms黎 " 你叫你既fd唔好咁無聊啦 ... " 我勁無奈,佢想點姐?過左個幾星期,佢同我講話佢要搬屋,佢又講番起上次件事(我個fd問佢野),我其實真係完全唔知發生咩事,咪同佢講 " 發生咩事?我乜都唔知! " 佢唔信我,仲話 " 枉我當你係阿妹 , 點知你都唔肯講我知 .. " 佢只係當我係阿妹 ?
個晚,我同我個fd講話佢要搬屋,點知我個fd傻到走去問佢係咪搬屋!跟住我就收到佢icq,話 " 你知唔知咁做好黑人憎 , 爆晒人地d野出去 ! " 乜我同人講話佢搬屋都有問題咩?跟住我同佢鬧交,佢話永遠唔睬我,我個時勁無奈,佢想點姐?!
返學見到佢,佢當我係陌生人,有少少避我囉我feel到!我諗我同佢再冇咩關係,當唔識佢算數啦!依嫁,我間唔中都收到133,幾耐唔定,有時一個星期,一個月,幾日,兩個星期,我都唔知佢打俾我仲做咩??!!!話唔睬唔理我既又係佢,點姐佢依嫁想??!
今日放學,見到佢,佢對住我有d笑笑地,我當見佢唔到走鬼左去,佢依嫁想點姐?玩野呀?!
大家俾d意見呀,同佢有冇得救?thx~