壞孩子封歐洲王 C朗高票摘金球獎 瞄準下月世足先生

[size=4][quote]
[size=4]【明報專訊】自大、不羈、叛逆、我行我素，在葡萄牙    球星基斯坦奴朗拿度（C朗拿度    ）的俊俏外型背後，隱藏的盡是標準「壞孩子」性格。不過瑕不掩瑜，這名去季「入球停不了」的翼鋒為曼聯    攻入42球盡攬各大獎項，昨日終獲《法國    足球》正式加冕為今年歐洲足球先生（金球獎），成為繼1968年名宿佐治貝斯後，首名奪得此項殊榮的「紅魔」球星，也為他劍指下月揭盅的世界足球先生注下強心針，可望在光輝的職業生涯再添金光。[/size]

[size=4]C朗拿度上季表現無懈可擊，連奪歐洲金靴獎、英格蘭    球員先生及英格蘭足球先生等殊榮，同時帶領曼聯奪得英超及歐聯    雙料冠軍，昨日終得《法國足球》肯定，獲官方網站公布為今年金球獎得主。23歲的C朗拿度得到全數96名投票記者一致認同，共獲破紀錄的446分（最高得分為480）力壓美斯    及費蘭度托利斯    等對手，一洗去年接連失落金球獎及世界足球先生的遺憾，登上歐洲之巔。獲獎後C朗拿度難掩美夢成真的興奮：「這是我生命中最美好的其中一天，我自小夢想奪得這個獎項，現在的心情激動得難以形容。」[/size]


[size=4][b]破紀錄446得分當選[/b][/size]


[size=4]金球獎講求得獎人才德兼備，C朗拿度偏卻是個不折不扣的「壞孩子」，縱情享樂的他身邊女伴如走馬燈。2005年涉嫌強姦被捕，後因證據不足逃過一劫；去年又被「踢爆」於家中大開荒淫派對。場外多姿多采，場內同樣受盡爭議，他不時「插水」博罰球的踢法為人詬病，今夏又「爆出」過檔皇家馬德里    的長篇連續劇，對球會的不忠使部分支持者心痛不已。[/size]

[size=4]我行我素的C朗拿度，早已對球迷冷嘲熱諷見慣不怪，昨日他強調自己根本沒變，只是一舉一動皆被批評者無限放大，但他深信強者才會惹來諸多挑剔：「即使全英格蘭球迷向我喝倒采，也喝不滅我對足球義無反顧的熱情，不管他們的噓聲有多大，對我的表現也絕無影響。」[/size]


[size=4][b]托利斯美斯成世足攔路虎[/b][/size]


[size=4]金球獎既已到手，歐洲最強的C朗拿度下個目標當然是下月12日揭盅的世界足球先生。不過要重演去年卡卡一口氣掃走兩大獎項一幕，目前仍存在不少變數。世界足球先生由國家隊教練及隊長投票選出，一向較重視球員國際賽表現，上季於曼聯「威到盡」的「C朗」，今夏歐洲國家盃    卻受腳傷及轉會傳聞影響表現，葡萄牙終於8強止步，令他得分大打折扣。相反於歐國盃打破44年錦標荒的西班牙    大軍，於決賽一箭定江山的射手費蘭度托利斯及歐國盃最佳球員沙維同告入選，加上美斯亦帶領阿根廷    奪得北京    奧運    金牌，這3名國際賽大放光芒的球星勢成為C朗爭做「球壇大贏家」的最大絆腳石。[/size]
[size=4]
[/size]
[/quote][/size]

C朗:048:
強!!!!!

始終唔多鍾意佢

連烽哥依個曼迷都唔鍾意佢
可想而知條友有幾黑人憎

睇黎個個都好唔鐘意c朗條友喎~~

好多才子,作家,都好有獨特個性
C郎同佢地差不多類型

差好遠........才子同佢

[quote]原帖由 [i]彭彭[/i] 於 2008-12-4 06:02 發表
好多才子,作家,都好有獨特個性
C郎同佢地差不多類型 [/quote]
佢絕對唔係你講既咩才子作家,佢只係煩膠
06年世界盃就攪朗尼
今季就話去皇馬
曼聯球迷一次又一次原諒佢
上場仲要柒到搵手擋波話以為吹左雞

[quote]原帖由 [i]無劍刀客[/i] 於 2008-12-4 13:58 發表

佢絕對唔係你講既咩才子作家,佢只係煩膠
06年世界盃就攪朗尼
今季就話去皇馬
曼聯球迷一次又一次原諒佢
上場仲要柒到搵手擋波話以為吹左雞 [/quote]
佢仲以為佢串得起所有人,不過再咁落去,d球迷態度就會好似費高叛走國米去皇馬踢咁

[quote]原帖由 [i]彭彭[/i] 於 2008-12-5 03:34 發表

佢仲以為佢串得起所有人,不過再咁落去,d球迷態度就會好似費高叛走國米去皇馬踢咁 [/quote]
係巴塞去皇馬
佢比人飛過打火機,好似豬頭都試過
不過對佢黎講,去左皇馬有乜所謂
歐冠有幾可抽返中曼聯
最小都要十六強,仲要一隊囉首名出線,一隊囉次名出線先有機會抽中,如果唔係就最小8強先會抽中一戰

[[i] 本帖最後由 無劍刀客 於 2008-12-5 12:23 編輯 [/i]]

係巴塞.....
所以C郎去皇馬都冇乜所謂~可能家下佢想留喺MU到串多陣

[quote]原帖由 [i]彭彭[/i] 於 2008-12-5 14:01 發表
係巴塞.....
所以C郎去皇馬都冇乜所謂~可能家下佢想留喺MU到串多陣 [/quote]
串乜鬼呀,打大賽就腳頭無靈,佢上季入42球,有幾多係十二碼,有幾多係對住下游球隊入?
佢同今季既安歷卡一樣,對強隊就龜縮,對弱隊入3,4球就好似好勁咁:069:

[quote]原帖由 [i]無劍刀客[/i] 於 2008-12-5 18:42 發表

串乜鬼呀,打大賽就腳頭無靈,佢上季入42球,有幾多係十二碼,有幾多係對住下游球隊入?
佢同今季既安歷卡一樣,對強隊就龜縮,對弱隊入3,4球就好似好勁咁:069: [/quote]
可惜佢自己係咁諗呢.....
突然諗起細哨.....同是扭波,夜浦,玩女之人

[quote]原帖由 [i]彭彭[/i] 於 2008-12-6 01:26 發表

可惜佢自己係咁諗呢.....
突然諗起細哨.....同是扭波,夜浦,玩女之人 [/quote]
細哨可以玩到宿敵皇馬d球迷都為佢鼓掌,仲要係企起身果陣,依個榮譽既唔夠10個人
我記得有最近期既係迪比亞路,老d就馬勒當拿都試過
C朗?佢可唔可以玩到同市宿敵曼城或者國家打比既利物浦球迷為佢咁做?
班友對住佢舉中指就有,一見佢囉紅牌拍住手等佢行出場