[聽人駭聞]AIA醜聞大踼爆 - 第一擊

AIA 又一衰 Agent

真係想放佢個大名出黎 :

我個家姐姐夫一家四口, 全家有成 10份保單 , 因為呢幾個月姐夫個心唔多妥 , 想去醫院 check check  , 先的起心肝搵晒全家保單出黎, call 左我同家姐都好老c 既保險朋友上門幫我地睇 (之前宏利個 agent　果兩日唔係HK , 老c朋友都係宏利既, 佢入左行年半到)

我啦,同佢地一家四口d 單全部幫襯"宏利,家姐同我都有一份係銀行買的 china life 好似叫 "五光十色"  及二份佢囝囝的 AIA USD 10,000 Life +住院醫療 , AIA 住院現金 . 全部單都買左5年以上 。

我當時都多口問左家姐 , why 囝囝買 AIA 既 唔買埋 宏利 ??? 家姐話囝囝有個天生蠶豆病 (G6PD) ,當時"宏利 "講明咁樣係唔保危疾/住院架 , 當時家姐姐夫都問左幾間保險公司,包括銀行, 都係話唔保呢個病 .
最後先搵到姐夫個做  AIA  朋友 ,    呢個AIA  Agent 好快回復佢話   【AIA 可以保埋 】....就係咁囝囝就買左 AIA 兩份 PLAN .


我地老c 朋友, 一睇 囝囝果兩份  AIA  plan , 佢話咁係保埋啦,AIA Agent 都冇寫囝囝 有呢個 蠶豆病 (G6PD) 病 ........

跟住我家姐姐夫打比佢 AIA  Agent 鬧佢 ..............好彩小朋友身體好,之前冇入過醫院咋 .......如果唔係告到你坐監都有之.............
最後姐夫話算啦 , 家姐先冇告個 Agent . 無耐都要等到出年年頭先　ｃｕｔ得 ，因為供足6年 羅番 既錢先多 d . 但 囝囝住院醫療就先搵左老c朋友買住先 , 出年羅左錢先再買其他, 新住院醫療一樣唔保呢個病.         

AIA Agent 正 x 街 ,為左做成單生意 ..有咩做唔出  .............

**由其他討論區轉貼**

AIA醜聞大踼爆 - 第二擊

{由其他討論區轉貼} 請各位小心!

--------------------------------------------------------------------------------
友邦「財庫之選」投資計劃

以下係我本人的親身經歷

本人在本年頭買了一份友邦「財庫之選」投資計劃, 那名sale(lau yee XXX) 向我說一年供us $3000, 供34個月, 之後就可以自由提取戶口內的金錢, 但是要留us $1500 以維持戶口的運作。

當我簽約時, 有一項係她用手寫的字樣 "「財庫之選」30 年", 當時我也即時詢問, 是什麼一回事, 又話供34個月之後, 可以自由提取金錢, 而她當時的回答, 就是你可以用我們公司三十年, 但沒有提及任何合約...

簽約後大約四個月度我我致電aia hotline, 得知我簽了30年合約, 也向我說明34個月供的錢, 係不能提取, 金額大約us $8500, 我也即時表明sale 那時沒有向我提及, 但她們答一些標準答案~~

我也即時聯絡那名sale, 她一開始向我說明, 取消是沒有問題的, 她說如果你的回報多於手續費, 你就可以考慮取消, 我也即時問如果蝕呢? 她的答案十分唔professional, 基金實賺ga, 唔會蝕, 又叫我唔好投訴佢, 又話投訴她, 會令她沒有工做, 但又改唔到個plan 或者拎唔返d 錢。

我也查過友邦「財庫之選」投資計劃, 當時係有五年至三十年的plan, 我問她為何不sale 我10年或者15年的plan, 她的答案好得意, 佢話以為我鐘意三十年=.="

我也有致電那名sale 的上司, 但一直都找不到佢, 她們只說會叫那名sale 的manage call　back 我, 等了數天後, 有一名女士打黎, 她的答案同hotline 的同事沒有分別, 向我說我地什麼都幫唔到你, 又叫我聯絡回總機hotline 個邊

我再聯絡hotline 時查知那名女士并非sale manager, 只是普通的sale, 我也不知係那名sale manager 叫她的下屬call back, 定係d 下屬冇講過我的請求給她知喇...


無恥!

AIA醜聞大踼爆 - 第三擊

{由其他討論區轉貼} 此乃真人真事, 請各位閱後廣發給各親朋好友, 以免有人再次中招,小心!


我於2004－2005年跟AIA人渣經紀盧X英買了3份【財庫之選】投資計劃，她當時也是說只須供34個月，之後就可以自由提取戶口內的金錢, 但是要留USD1500 以維持戶口的運作。她當時聲稱退保只須賠償AIA4%基金價值，更再三强調只是退保那一年的4%。而那三十年的年期，是這34個月供款戶口價值、或後來的額外供款，可在AIA的基金戶口中作逾30年的投資。

後來從壹仔的投訴欄中得知此計劃條款與此人渣所述有極大出入，那34個月供款戶口價值是不能自由提取，否則便要支付基金餘下年期每年4%基金值的行政費的現值作為賠償，並非只是退保那一年的4%。及后，我即時再致電AIA客戶服務部作條款確認。我亦立刻致電那人渣，她仍堅稱只是退保那一年的4%，並指客戶服務部提供的資料是錯誤的；我更強烈要求她與客戶服務部同事澄清，她始承認自己錯誤，但卻沒有任何補錯方案，她亦沒有作出任何的口頭道歉。

跟着我再資詢盧X英可否更改受保人我老公，我為受益人。她說此舉沒問題，並聲稱若我老公身故，我便可取得戶口內之戶口價值101%的金額作為身故賠償；於是於同年十二月提供了三份更改保單資料的表格給本人及老公簽署遞交。後來得知此人渣英根本沒有為我們更改受保人及受益人的資料，只是更改了持有人，客戶服務部聲稱保單受保人是不能更改的，只能更改持有人。我立刻再打電話跟她理論，她竟堅持自己所說的沒有錯，反指我和客戶服務部攪錯。但我堅決要她求跟有關同事澄清。我從電話筒中聽見其下屬直指此人渣所說錯誤。此人渣更很不禮貌地跟我說：「係我錯，咁你想點?」。

後來，我向AIA客戶服務部和保聯會投訴。此人渣及其人渣下屬跟本不會承認自己講錯嘢，AIA客戶服務部亦照單全收，不作任何的處分及補救方法；保聯會更可笑，他說保單上任何文件是我自願之下簽署的，亦沒有實質證據顯示那個人渣有問題，叫我自己同AIA解決。

保單未簽就唔會投訴，我係投訴比個人渣誤導之下而簽，正白痴。甚麼是實質證據，使唔使以後傾保單條款時，叫你保聯會的職員黎做證，免得我投訴時沒有實質證據。我老公做會計超過10幾年，依家成40歲，佢唔算清楚都唔會買這三份30年基金保單，而家就係要佢地客觀地評定我們是在被誤導之下，才會買這份要70歲才可攞返錢的基金保險。佢地最好我同AIA自己刪埋門傾掂去，傾唔掂都唔好煩佢地!

AIA知道自己有多個agents以欺詐的手段地sell這種【財庫之選】，甚至以「客戶服務中心所提供的資料是錯誤的」來欺騙投保者，並且不只一、兩個受害人去投訴。可見這並非個別事件，AIA及保聯會竟視若無睹，懶得作客觀的調查；認為文件是本人簽署便是客觀的證據，咁駛咩佢地去調查，因為超過九成的投訴個案是被誤導及欺騙下已簽署保單才會去投訴。咁樣調查法，簡直浪費投訴人寄文件的郵費。佢地不如話「如果個啲人渣agents唔認自己瞞騙個客，而份單又係自己簽，並非冒簽的話」，就算是幾不滿意，都唔駛諗可以投訴成功，因為以上就是客觀證據了，無謂浪費時間、心機和郵費，因為他們只是幫忙投訴人向這些無良agents傳遞信息，給予他們講大話的機會。

咁衰..